Cessio facta Iacopo Ser Pauli Cambiutii de Eugubio per fratrem Thaddaeum Bonacursi Melli, omnium iurium sibi competentium contra heredes etc., Marchelli Brigaldane Manciae

[22 luglio 1396]

 

Archivio Commun. Eugub., busta 58, perg. originale

 

 

 

In nomine Christi. Amen. Anno Millesimo Trecentesimo nonagesimo sexto, die vigesima secunda julii. Frater Tadeus Bonacursi Melli de Eugubio, Ordinis fratrum heremitarum S.ti Augustini de extra et prope Eugubium, ut et tanquam heres d.ne Ise Bartholini, quondam matris sue, et ut et tanquam sindicus et procurator toti (sic) Capituli et Conventus S.ti Augustini predicti, cessit, concessit, transtulit et mandavit Iacopo Ser Pauli Cambiutii de Eugubio, presenti, stipulanti et recipienti pro se et suis heredibus etc., omnia iura, omnesque actiones, usus et persecutiones, reales et personales etc., quas dictus frater Tadeus habet et sibi competunt seu competere possunt, contra heredes etc. Marchelli Brigaldane Mancie de Eugubio et quartiere S.ti Juliani, nomine et occaxione (sic) medietatis quinquaginta librar. den. Ravenn., quas asseruit dictus fr. Tadeus dictum Marchellum habuisse pro dotali dicte d.ne Ise manu Ser Filippi Giordani de Eugubio, notarii, et nomine et occasione alimentorum sibi fratri Tadeo debitorum et devendorum pro medietate dictarum quinquaginta librarum etc. Not. Filippus Mathioli Coradutii de Eugubio.