Gonfalonerius Iustitiae et Consules populi Civitatis Eugubii licentiam concedunt pro permutatione quorumdam bonorum inter Conv.S.ti Augustini et D.nas Lenam et Filippam, filias quond. Ser Mathiutii Ser Marini de Eugubio

[21 ottobre 1397]

 

Cod. Eugub., fol. 73v-74. Originale

 

 

 

In Dei nomine, Amen. Anno Domini ab eiusdem nativitate Millesimo trecentesimo nonagesimo septimo, indict. quinta, tempore SSmi. in Christo Patr. Dni. Dni. Bonifatii, divina providentia Pape noni, die XXI mensis octubris, existentibus insimul congregatis viris prudentibus D.nis Gonfalonerio Iustitie et Consulibus populi Civitatis Eugubii in sala magna inferiori palatii populi dicte Civitatis, porrecta fuit coram eis pro parte infrascriptarum D.narum Lene et Filippe petitio infrascripti tenoris et continentie, videlicet: Coram vobis prudentibus viris D.nis Gonfalonerio Iustitie et Consulibus populi Civitatis Eugubii, reverenter exponitur pro parte D.narum Lene et Filippe, filiarum quondam Ser Mathiutii Ser Marini de Eugubio et heredum univensalium et in totum Ser Georgii Ser Mathiutii supradicti, earum fratris. Quod Fratres Ordinis S. Augustini de Eugubio sunt universales heredes Ser Marini Rubei, earum avi, et heredes pro dimidia Ser Mathiutii supradicti, ex testamento ipsorum, ex quorum hereditatibus asserunt se dominos unius poderis cum suis pertinentiis et domibus, siti in Villa Maina, communitatis Eugubii, quod dicitur el podere dal palaçço, cum vinea in eo existente, infra sua latera; et medietatis unius poderis, cum domibus et suis pertinentis, siti in dicta Villa, quod dicitur el podere de la serra, proindiviso cum dictis Dominabus. Item, unius tenimenti domorum, siti in Civitate Eugubii, in quarterio S. A(ndree), fines quarum undique sunt vie, et res Communis Eugubii. Item, unius tenimenti domorum, sit in platea Civitatis Eugubii, fines quarum, a duobus, vie; ab alio, res Anthonii D.ni Bini, cum omnibus aliis pertinentibus eisdem, pro dictis hereditatibus. Et quod ipse Domine, de consensu et licentia predictorum D.orum Gonfalonerio et Consulum, volunt cambi(a)re et permutationem et cambium facere cum ipsis fratribus pro supradictis rebus, cum sint magis adiacentes et maioris valoris ipsis Dominabus quam res infrascripte, quas in cambium et permutationem concedere fratribus predictis intendunt et suprascriptas res accipere multiplici de causa. Prima ex causis predictis, quia sunt magis adiacentes predictis Dominabus. Secunda, quia sunt maioris valoris. Tertia, ex particulari affectione quam habent ad ipsas res, tanquam res proprie domus.

Quarta, quia in testamento Ser Mathiutii predicti ipse Ser Mathiutius asserit res, quas concedere dictis Fratribus intendunt, fuisse emptas et augumentatas (sic) de pecunia Fratrum predictorum et esse ipsorum fratrum. Quinta, quia ipsi Fratres ipsas infrascriptas res, in cambium per eos recipiendas, tenuerunt et possederunt a die emptionis facte de eis per Ser Mathiutium et Ser Georgium, et nunc possident et fructant, tanquam res suas. Quare humiliter supplicant ut, actenta maxima utilitate, quam consecuntur prefate Domine ex dicto cambio et permutatione, dignemini eis faciendi dictum cambium licentiam impertiri et vestrum prebere consensum, ita quod sint ab omni statutaria pena remote, omni modo, via, iure et forma, quibus melius fieri potest, et de gratia speciali, cum per predicta ius fisci in aliquo non ledatur. Res vero in cambium dictis Fratribus concedende, de quibus fit mentio, sunt hec, videlicet: Unum petium terre vineate, positum in villa S. Marie de Casamorci, in vocabulo Cecaleto; fines, a primo, res Magistri Anthonii Petrutii; a secundo, res Nicholelli Simonelli et D.ni Mathioli; a tertio, via; a quarto, res Iohannis Santutii. Item, una via per quam itur ad dictam possessionem, fines cuius vie, a primo, res Baldinatii Nicholelli; a secundo, strata communis; ab aliis, res Canonice S.ti Mariani, res dictorum Fratrum et res Hospitalis Iunte. Item, unum petium terre positum in dicta villa, in vocabulo Gualmerano, iuxta rem Cambii Iuntelli. Item, unum petium terre situm in Baggelata, fines: iuxta viam a duobus et ab aliis res Baldutii Ranutii. Item, alia medietas supradicti poderis siti in Villa Mayna, quod dicitur el podere de la Serra. Item, unum tenimentum terre laborative et sodum, situm in villa nova plani; fines, a duobus vie; a tertio, flumen Sabunde; ab alio, res Monasterii S. Marie de Perlagio. Item, unum petium terre cum cerqueto, in vocabulo Fassie; fines, a primo, via; a secundo, flumen Sabunde; a tertio, res Puccioli D.ni Petri; et a quarto, res Nicholelli Busse.

Dicta die XXI mensis octubris. Qui D.ni Gonfalonerius et Consules predicti, existentes insimul congregati in supradicta sala palatii antedicti, audita et diligenter intellecta supradicta petitione et contentis in ea, cupientes in predictis salubriter providere, unanimiter et concorditer, eorum nemine discordante, commiserunt providis viris Ser Pacetto Galvanelli, quarterii S. Petri, et Francisco Massci, quarterii S. Andree de Eugubio, licet absentibus tanquam presentibus, quatenus vadant et diligenter inspiciant atque considerent supradictas possessiones, res et bona, que cambiari et permutari debent per dictas D.nas Lenam et Filippam cum supradictis Fratribus S. Augustini, et possessiones, res et bona, que cambiari et permutari debent per dictos Fratres Ordinis S. Augustini cum supradictis Dominabus Lena et Filippa. Et videant ac considerent bene si dicte possessiones, res et bona dictarum Dominarum sunt maioris vel minoris valoris et extimationis quam supradicte possessiones, res et bona dictorum Fratrum, cum quibus permutari et cambiari debent, vel sint equalis valoris et extimationis. Et secundum eorum videre et iudicium referant eisdem D.nis Gonfalonerio et Consulibus quod reperient de predictis, ad hoc ut ipsi D.ni Gonfalonerius et Consules valeant in predictis salubriter providere, commictentes eisdem super predictis totaliter vices suas. Qui Ser Pacettus et Francischus supradicti, delato eis iuramento per me Can(cellarium) infrascriptum, de mandato Dominorum Gonfalonerii et Consulum supradictorum, iuraverunt ad sancta Dei evangelia, corporaliter manu tactis scripturis, in manibus mei Notarii infrascripti, predicta omnia et singula eis supra commissa per dictos D.nos Gonfalonernium et Consules bona fide et sine fraude bene et legaliter facere, remotis hodio, (sic), amore et qualibet alia humana gratia.

Die XXV mensis Novembris dicti anni. Existentibus in simul congregatis D.nis Gonfalonerio et Consulibus supradictis in capella palatii populi supradicti, comparuerunt coram eis supradicti Ser Pacettus Galvanelli et Francischus Massci et retulerunt eisdem D.nis Gonfalonerio et Consulibus se vidisse et inter se diligenter examinasse supradictas possessiones, res et bona permutanda et cambianda per supradictas partes, et, secundum eorum videre et iudicium, supradictum cambium est magis lucrosum et magis utile predictis heredibus Ser Georgii quam supraradictis Fratribus S. Augustini, quia res possessiones et bona, que et quas dicti heredes recipiunt in cambium a dictis Fratribus, sunt maioris valoris et extimationis quam res, bona et possessiones, quas et que ipsi heredes Ser Georgii dant ipsis Fratribus antedictis in cambium supradictum. Dicta die, in continenti post predicta, convenientes in unum viri prudentes D.ni Gonfalonerius Iustitie et Consules populi supradicti in supradicta capella palatii antedicti, et audita, intellecta ac diligenter inter se examinata supradicta relatione facta per supradictos Ser Pacettum et Francischum, et considerato Statuto Communis Eugubii de hac materia loquente, unanimiter et concorditer, consensum dicte permutationi et cambio prebentes, omni modo, via, iure et forma, quibus melius potuerunt, concesserunt plenam licentiam supradictis Dominabus Lene et Filippe heredibus supradicti Ser Georgii, licet absentibus, faciendi supradictum cambium et permutationem cum supradictis Fratribus S. Augustini de supradictis possessionibus, rebus et bonis, libere et impune, aliquo Statuto vel ordinamento in contrarium loquente non obstante.

Ego Pierus olim Iacopi de Bibiena, Aretine dioecesis, publicus imperiali auctoritate Notarius et Iudex ordinarius et tunc Cancellarius dicti Communis Eugubii pro Magnifico et excelso D.no Comite Anthonio Montisferrati etc., predictis omnibus et singulis, dum sic agebantur intenfui et ea omnia Rogatus et ex debito dicti mei offitii, scripsi et publicavi. Signum Notarii.