Oblatio Baldutii Blaxii Venture de Eugubio

[6 gennaio 1399]

 

Cod. Eugub., fol. 74v. Originale

 

 

 

In nomine Domini, Amen. Anno Domini Millesimo CCC LXXXXVIIII, indict. septima, tempore D.ni Bonifatii Pape noni, die sexta mensis Ianuarii. Baldutius Blaxii Venture de Eugubio, quarterii S.ti Petri, non seductus, sed suo proprio motu, volens providere saluti anime sue et intendens in posterum regulare residuum vite sue et desiderans vitam suam finire sub Regula beati Augustini, et omnipotenti Deo et gloriose Virgini Marie, matri eius, et beato Augustino servire pro oblato, existens genu flexo coram Religioso viro fratre Ierolimo Tahadei Magistri Franciscii de Eugubio, priori Fratrum loci heremitarum S.ti Augustini de prope Eugubium, iunctis manibus, tenens manus suas intra manus dicti prioris, levatis oculis mentis, agens hec omnia predicta et infrascripta cum praesentia, licentia et voluntate D.ne Mathiole, uxoris ipsius Baldutii, obtulit se omnipotenti Deo et gloriose Virgini Marie, matri eius, et Beato Agustino et omnibus Sanctis et dicto Priori, presenti et stipulanti vice et nomine Prioris Generalis dicti Ordinis et ipsius prioris dicti loci et suonum successorum et Capituli et Conventus dicti loci S.ti Augustini de Eugubio.

Et promixit dicto priori, ut supra stipulanti et recipienti, obedientiam usque ad mortem. Qui Fr. Ierolimus, prior predictus, tenens dictum Baldutium per manus intra manus suas, nominibus quibus supra, recepit ipsum Baldutium et acceptavit in oblatum dicti loci et Ordinis predicti, dicens dicto Baldutio, tenens ipsum per manus intra suas manus: Ego, nominibus quibus supra, te pro oblato recipio atque accepto. Et quod tu deinceps sis particeps omnium missarum, orationum, ceteromumque bonorum (operum), que per fratres dicti Ordinis D.nus noster Ihesus Christus fieri concesserit per universum mundum, ad salutem anime tue et pro remissione tuorum peccatorum, in nomine nostri Domini Ihesu Christi. Actum in dicto loco S.ti Agustini, in Sacristia dicti loci, presentibus Dompno Bartolomeo Angelelli Carnevalis, Christoforo Cecchi Santis et Francischo Christofori Cecchi de Eugubio, quarterii S.ti Andree, testibus ad predicta habitis, vocatis et rogatis.

Et Ego Salinguerra quondam Ser Ciutii Beccacerie de Eugubio, publicus apostolica atque imperiali auctoritate Notarius et Iudex ordinarius, predictis omnibus et singulis interfui et ea rogatus scribere scripsi, publicavi, signumque meum apposui. Signum Notarii.