Oblatio Uderighelli Angeli et Florae, eius uxoris

[19 dicembre 1402]

 

Cod. Eugub., fol. 58

 

 

 

In nomine Christi. Amen. Anno Domini Millesimo Trecentesimo quadragesimo secundo, Indictione decima, tempore d.ni Clementis Pape Sexti, die XIX decembris. Actum Eugubii, in quarterio S.ti Iuliani, in domo infrascriptorum oblatorum, presentibus fratre Laurentio Benamati de Canteana et Petro Camerini de Villa S.ti Laurentii de Posseria, testibus vocatis et rogatis. Uderighellus Angeli, de quarterio S.ti Iulianis de Eugubio, et d.na Flore eius uxor, presente et consentiente dicto Uderighello et sibi licentiam dante, sponte et motu proprio, volentes anime eorum saluti providere et imposterum residuum vite eorum regulare intendentes ac sub beati Augustini regula vitam finire desiderantes, Deo et Virgini Marie, eius matri, et beato Augustino obtulerunt se iunctis manibus inter manus religiosi viri fratris Angeli de Galghata, subprioris loci de Eugubio Ordinis fratrum heremitarum S.ti Augustini, recipientis nomine et vice dicti loci, et suis successoribus in hunc modum: Nos Uderighellus Angeli et Flore, uxor dicti Uderighelli, offerimus Deo et beato Augustino et promictimus obedientiam et reverentiam usque ad mortem, secundum modum et formam in dicta regula contentos. Et supradictus frater Angelus, subprior, ipsos acceptans in oblatos inter manus suas, ait: Et ego, nomine et vice supradicti loci, vos in oblatos dicti loci et Ordinis recipio atque accepto.

Ego Andruccellus Gratioli de Eugubio, Imperiali auctoritate notarius, predictis adfui et ut supra legitur rogatus, scripsi et publicavi.