Oblatio Padovesae Deotesalvi

[30 dicembre 1402]

 

Cod. Eugub., fol. 58

 

 

 

In nomine Domini. Amen. Anno Domini Millesimo Trecentesimo quadragesimo secundo, Indictione decima, tempore d.ni Clementis Pape Sexti, die penultima decembris. Actum in domo habitationis dicte oblate, presentibus Vanne Christofori et Bartholo Castellutii, testibus vocatis et rogatis. Padovese Deotosalvi, uxor olim Iacomelli, de quarterio S.ti Andree, nomine oblationis, dedit et optulit se Deo et beate Marie, eius matri, ac beato Augustino et fratri Angelo de Galgata, subpriori dicti loci, pro ipso loco stipulanti ac Ordini dictorum fratrum, et promisit eidem fratri Angelo, subpriori, hobedientiam et reverentiam Christo; postque idem subprior predictam Padovesem humiliter et devote, iunctis manibus (genuflexam), recepit ad officia et beneficia, que competunt et competere solent oblatis eiusdem loci et Ordinis supradicti.

Ego Andruccellus Gratioli de Eugubio, Imperiali auctoritate notarius, predictis interfui et, ut supra legitur, rogatus, scripsi et publicavi.