Promissio facta a Fratribus Conv. S. Augustini D.ne Rentie Rentii et eius sociae Franciscae Dominici de quadam domo et hortu et superlectilibus vendendis

[3 settembre 1402]

 

Cod. Eugub., fol. 77

 

 

 

In nomine Domini, Amen. Anno Domini M CCCC II, die III mensis septembris, tempore prioratus fratris Gregorii de Eugubio, Ordinis fratrum heremitarum S.ti Augustini, facta fuit promissio per supradictum priorem, una cum fratribus dicti conventus et ordinis, D.ne Rentie Rentii, de quarterio S. Andree, et sue socie Francisce Dominici de Castro plebis compreseti, comitatus Perusii, quod, emergente neccessitate, ad earum instantiam et petitionem, eis libere concedere ut possint dicte Domine domum et ortum eidem domui coniuctum et superlectilia dicte Rentie (vendere?). Cui concessioni et promissioni interfuerunt ipse prior et frater Benedictus Benvenuti, sacre pagine professor; frater Augustinus Angelutii, frater Leonardus Andrioli, frater Paulus de Loreto, frater Matheus, frater Elymosina Benetelli, frater Ierolimus Ser Tadei, frater Martinus Truce, frater Symon, frater Michael Adovardi, frater Ambrosius, frater Iohannes, frater Angelus, frater Ventura; qui omnes tunc conventuales erant in supra dicto loco, quando predicta concessio et promissio supradictis Dominabus fuit libere facta.

Item, promisserunt supradicti fratres cum priore dicte D.ne Rentie, quod, in casu quod dicta domus et ortus et superlectilia non venderentur per predictas Dominas, sed remanerent post earum obitum, quod si alique bichine, sorores vel bisoche reperirentur Ordinis S.ti Augustini, que bisoche vellent predictam domum et ortum eidem coniunctum inhabitare et superlectilia predicta occupare, dimictere eis, ad earum usum, quamdiu caste, oneste et religiose visserint in humanis; in casu autem quod non essent vite onestas et odor bone fame in predictis bisochis, liceat fratribus expellere et domum et superlectilia occupare et vendere et pecuniam habendam de dictis rebus transmutare in aliqua ad cultum Dei espectantia et utilitatem sacristie dicti ordinis S.ti Augustini de Eugubio commutare, et eodem modo facere debeant, scilicet, vendere domum, ortum et superlectilia dicte Rentie et in utilitatem sacristie ponere, in casu in quo nulla bichinarum seu bisocarum non visserint in humanis. I

tem, promisserunt predicti fratres, una cum priore, quod quando venderetur dicta domus et ortus, si bisoche, que stant iuxta dictam domum et ortum, voluerint domum et ortum dimictere eis, de pretio condigno unum florenum, amore Dei, observatis prius conditionibus supradictis.