Fr. Paulutius, Provintialis, et Fratres Conventus Eugubini facultatem concedunt D.nae Nesinae vendendi etc. de rebus suis mobilibus

[21 ottobre 1416]

 

Cod. Eugub., fol. 78v. Subscriptiones Fratrum videntur originales

 

 

 

In nomine Domini, Amen. Ecclesia vacante, sub anno Domini M CCCC XVI, die XXI mensis octobris, tempore prioratus fratris Stephani Magistri Bartholi de Eugubio, Ordinis fratrum heremitarum S.ti Augustini, facta fuit promissio, una cum fratribus dicti conventus et ordinis, D.nae Nesinae Vanutii (sic) Iohannis Gioli, olim uxori Andree Falcutii. Ego frater Paulutius, prior provintialis provintie Vallis Spoleti immeritus ordinis fratrum heremitarum, confiteor supradicta et manu propria subscrixi. Ego frater Benedictus et Magister Bevenuti de Eugubio, Ordinis supradicti, confirmo; manu propria subscrixi. Ego frater Stephanus Ser Masaci Bartoli de Eugubio, prior ditus (sic) conventus, confirmo supradicta et manu propia scripsi. Ego frater Augustinus Angelutii de Eugubio confirmo supradicta; in cuius rei testimonium propria manu scripssi. Ego frater Mattheus Angelelli degubio confirmo supradicta; in cuius testimonium propria manu scripsit (sic). Ego frater Ieronimus Ser Tadei Magistri Francisci de Eugubio confirmo supra dicta; in cuius testimonium propria manu scripssi. Ego frater Gregorius Manni Cacioli de Eugubio confirmo supradicta; in cuius testimonium propria manu scripssi. Ego frater Andreas Andree Nicholutii de Ugubio, tunc temporis sacrista predicti conventus, confirmo supradicta; in cuius testimonium manu propria me subscrixi. Ego frater Iohannes Bartholomei de Egubio confirmo supradicta; in cuius rei testimonium manu mea propria subscripxi. Ego frater Simplitianus Mei de Ugubio confirmo supradicta; in cuius rey testimonium de manu mea subscripxi.

Qui omnes fratres supradicti, uno ore, uno corde pariter, nemine discrepante, commisserunt et liberam facultatem dederunt predicte D.ne Nisine vendendi, alienandi, supignorandi, dandi de rebus mobilibus et pro libito volumptatis (sic), pro suis commodis, quibuscumque personis, silicet, matri et aliis; de immobilibus autem promictunt consentire vendictioni, supignorationi, in futurum per te fiende, e(t) ratam habere, secundum quod tue videbitur voluntati.

Item, volo quod conventus S.ti Francisci de Eugubio habeat usque ad triginta annos annuatim unam salmam vini, et hoc post mortem dicte Nesine.