Mandatum procurationis factum per Conventum S.ti Augustini de Eugubio fratri Ambrosio Simonis Tarchielli

[28 ottobre 1422]

 

Archiv. Commun. Eugub., Busta 58. Perg. origin.

 

 

 

In nomine Domini. Amen. Anno Domini Millesimo Quatringentesimo vigesimo secundo, Indictione XV, tempore d.ni Martini Pape V, die XXVIII mensis Octubris. Actum in Capitulo loci fratrum heremitarum S.ti Augustini de extra et prope Civitatem Eugubii, presentibus Christoforo Iacobi Masarelli, de quarterio S.ti Martini, et Nicolao Iohannis de Burgo S.ti Augustini, quarterio S.ti Andree de Eugubio, testibus ad infrascripta vocatis, habitis et rogatis. Congregato et coadunato Capitulo et Conventu fratrum heremitarum S.ti Augustini de extra et prope Civitatem Eugubii, in capitulo dicti loci ad sonum campanelle, more solito, de mandato religiosi viri fratris Amati Nicolai, prioris dicti loci; in quo quidem Capitulo interfuerunt infrascripti fratres conventuales dicti loci, videlicet: frater Amatus, prior predictus; frater Paulutius Bartolini, frater Ierollimus (sic) Ser Tadey, frater Iohannes Bartholomey, frater Andreas Andree, frater Massarellus Pauli, frater Ambroxius Symonis Tarchielli, omnes fratres conventuales dicti loci representantes univensum Capitulum loci suprascripti. Predicti fratres cum consensu dicti prioris et dictus prior cum consensu dictorum fratrum, non revocando alios eorum et dicti loci sindicos et procuratores, nec gesta per eos, sed potius confirmando, omni modo, via, iure et forma, quibus melius fieri potest, fecerunt, constituerunt et ordinaverunt eorum et dicti loci, capituli et conventus prefati verum et legitimum sindicum et procuratorem, actorem, factorem et certum numptium specialem suprascriptum fratrem Ambroxium presentem et acceptantem, in omnibus et singulis causis, litibus et questionibus, quas habent, seu habituri sunt, cum Iohanne Bartholilli de Eugubio. Et generaliter cum qualibet alia persona, tam ecclesiastica quam seculari, et in qualibet Curia tam spirituali quam temporali, et coram quocunque Iudice et Auditore, tam ecclesiastico quam temporali cuiuscunque loci. Etc.

Et Ego Antoninus quondam Ser Iohachim Ser Veragini de Eugubio, publicus imperiali auctoritate notarius et Iudex ordinarius, predictis omnibus et singulis presens interfui rogatus. Et quia aliis occupatus predicta manu propria scribere non valui, ideo per alium fidum michi scribi feci.

Et ad fidem predictorum hic me subscripsi et publicavi et meum singnum apposui. Signum Notarii.