Instrumentum venditionis factae D.nae Ioannae, uxori olim Simonis (Tarchielli) per fratrem Ambrosium Simonis (Tarchielli) eius filium, omnium iurium etc. quae ipse habebat contra Baldum Baldi

[23 dicembre 1422]

 

Archivio Commun. Eugub., busta 56, perg. originale

 

 

 

In nomine Christi. Amen. Anno Domini Millesimo Quatercentesimo vigesimo secundo, Indictione XV, tempore d.ni Martini Pape quinti, die XXIII mensis Decembris. Actum Eugubii, in domibus Episcopatus, seu d.ni Episcopi Eugubini, habitationis ipsius d.ni Episcopi, in sala superiori dictarum domorum, ubi ius redditur, presentibus Ser Matheo Manni de Biliis et Piero Filippi Coloci, de quarterio S.ti Iuliani de Eugubio, testibus ad infrascripta vocatis, habitis et rogatis. Frater Ambroxius Simonis Tarchielli de Eugubio, frater Ordinis heremitarum S.ti Augustini de extra et prope Eugubium, sindicus et procurator loci, fratrum, Capituli et Conventus dicti loci S.ti Augustini, ... titulo venditionis, dedit, cessit, concessit, transtulit et mandavit d.ne Iohanne, uxori olim Simonis Tarchielli, matri dicti fratris Ambroxii, presenti, stipulanti et recipienti, ... omnia iura et actiones, reales et personales, utiles et directas, tacitas et expressas etc., que et quas dicti fratres, Capitulum et Conventus habebant et habere poterant, seu habent, contra et adversus Simonem et Baldum Baldi Simonis Tarchielli de Eugubio, et in quadam domo sita in Civitate Eugubii, in quarterio S.ti Andree, ... quam domum predictus Simon emit nomine suo et nomine dicti Baldi, sui fratris, ab Angelo Dantis Nevoli, nomine et occasione viginti quatuor florenorum auri solutorum et datorum per dictum fratrem Ambroxium dicto Simoni et per ipsum Simonem solutorum dicto Angelo pro parte pretii domus prefate, et nomine et occasione quarumcunque quantitatem pecuniarum expensarum per dictum fratrem Ambroxium factarum in et pro conamine domus prefate usque in presentem diem, quomodocunque ... Et hoc pro pretio et nomine pretii ipsius cessionis, post ipsam actionem cessam, triginta quinque florenorum auri, quod pretium totum dictus frater Ambroxius ... fuit confessus et contentus a dicta d.na Iohanna habuisse et recepisse, sibique datum, solutum et numeratum esse, in specialem utilitatem dicti convertendum. Etc.

Et Ego Antonius quondam Ser Iohachim Ser Voragini de Eugubio, publicus imperiali auctoritate notarius et Iudex ordinarius, predictis omnibus et singulis presens interfui rogatus et quia predicta propria manu scribere non valui, aliis occupatus, ideo per alium michi fidum scribi feci et ad fidem predictorum hic me subscripsi et meum signum apposui. Signum Notarii.