Instrumentum procurationis factum a Fratribus Conventus Eugubini S. Augustini in personas fratris Ioannis Bartholomaei et fratris Andreae ac Ser Antonini Ser Ioachimi de Eugubio

[18 gennaio 1430]

 

Archivio Commun. Eugub., busta 56, perg. (documento mutilo)

 

 

 

In nomine Domini. Amen. Anno Domini M CCCC XXX, indictione VIII, tempore SSmi. in Christo Patris et dni. dni. Martini, divina providentia Pape quinti, die XVIII mensis Ianuarii. Actum in loco S.ti Augustini de prope et extra Eugubium, videlicet, sub portico dicti loci, ubi solitum est congregari capitulum dicti loci, presentibus Antonio Nobilis, de quarterio S.ti Petri, Petrucio Villani et Iohanne Sabatini, alias de la fiore, de quarterio S.ti Andree de Eugubio, testibus ad hec habitis, vocatis et rogatis. Convocato, congregato et quohadunato (sic) Capitulo et Conventu fratrum heremitarum loci S.ti Augustini predicti in Capitulo dicti loci, ad sonum campanelle, ut moris est, de mandato religiosi viri fratris Honofrii Filippi de Eugubio, prioris infrascriptorum fratrum, Capituli et Conventus S.ti Augustini antedicti; in quo quidem Capitulo et congregatione interfuerunt ipse prior, frater Gregorius Manni, frater Ambrosius Simonis Tarchielli, frater Andreas Andree, frater Iohannes Bartholomei, alias de Dehevalamano, frater Franciscus Filipelli, frater Christoforus Petrucii, omnes de Eugubio, et frater Stephanellus Dominici de S.to Severino, facientes, constituentes et representantes, et ipsi faciunt, constituunt et representant totum Capitulum dicti loci S.ti Augustini. Qui prior, una cum dictis fratribus et eorum presentia, licentia, consensu, voluntate, auctoritate atque mandato, et dicti fratres, una cum dicto priore et eius licentia, presentia etc., unanimiter et concorditer, nemine eorum discrepante, revocaverunt primo et ante omnia omnes sindicos et procuratores factos, creatos et constitutos per fratres, Capitulum et Conventum loci predicti ab uno anno citra, preter infrascriptos creandos, faciendos et constituendos ad presens, quos omni modo, via, iure et forma, quibus magis et melius potuerunt, fecerunt, constituerunt, ordinaverunt atque creaverunt eorum et Capituli et Conventus dicti loci S.ti Augustini, videlicet: predictos fratrem Iohannem Bartholomei, al. Dehevalamano, et fratrem Andream Andree, presentes et acceptantes et hoc mandatum in se sponte recipientes, et Ser Anioninum Ser Ioachimi de Eugubio, absentem, tanquam presentem, sindicos et procuratores, actores, factores et certos numptios speciales, et quemlibet eorum in solidum, ita tamen quod non sit melior condicio occupantis, sed quod per unum inceptum fuerit per alium prosequi, mediari possit et finiri, et maxime in causa, quam habent, seu habere sperant cum Baldino Bonibaroni de Eugubio, et generaliter in omnibus litibus et controversiis presentibus et futuris etc. Et Ego ...