Prior et fratres Conventus S. Aug. Eugubini, titulo donationis inter vivos concesserunt et donaverunt Petro Dominici et aliis unum pilum, alias sepulturam, existentem in ecclesia dicti conventus.

[22 maggio 1447]

 

Cod. Eugub., fol. 84v. Originale

 

 

 

In nomine Christi, Amen. Anno Domini Millesimo CCCC XLVII, indict. X, tempore SS.mi in Christo P.ris et D.ni D.ni Nicholay, divina providentia Pape quinti, die XXII mensis may. Actum in refectorio conventus S.ti Augustini de extra et prope Eugubio, presentibus Christoforo .... dicto Maça et Dominicho Mey Ruggie de Eugubio, testibus ad infrascripta vocatis, habitis et rogatis. Convocato, congregato et choadunato capitulo fratrum heremitarum loci et conventus S.ti Augustini de extra et prope Eugubium in loco predicto ad sonum campanelle more solito, de licentia, consensu et voluntate fratris Nofrii Filippi, fratris et prioris dicti loci, in quo quidem capitulo interfuit ipse frater Nofrius, prior predictus, frater et Magister Massarellus Rubey Ser Sabatelli, frater Ambrosius Simonis Tarchielli, frater Iohannes Bartolomey, frater Christoforus Petrutii, frater Gregorius Iohannis, frater Coradinus Rafaelli de Eugubio, frater Salvator Bindi de Monte Alcino, fratres conventuales dicti loci; frater Tomas de Novaria, lector, frater Ierolimus Iohannis, frater Gregorius ..., frater Augustinus Bonamati de Perusio, frater Equitius Antoni de Napuli, omnes fratres loci S.ti Augustini predicti; qui omnes fratres predicti, per eos et ipsorum sucessores, titulo donationis irrevocabilis inter vivos, dederunt, donaverunt, cesserunt et concesserunt Petro Dominici, Sancti et Guidoni quondam Rentii et Antonio Angeli Rentii, olim de Forbello, incolis de Eugubio, presentibus, stipulantibus et recipientibus pro eis et ipsomum heredibus et vice et nomine Angeletti Pauli, olim de Forbello, et vice et nomine Piermathey Tomassi et Lodovici et Nardi, filiorum dicti Angeli, et filiorum et heredum cuiuscumque ipsorum, unum pilum, alias sepulturam, existentem in ecclesia dicti loci, in choro ipsius ecclesie, quasi in fine ipsius chori, videlicet in introitu dicti chori, ex latere sinistro, suttus (sic) sepulturam heredum Iohannis Angeli de Eugubio; quam sepulturam predicti elegerunt pro eis et pro predictis et pro heredibus cuiuscumque predictorum; et etiam elegerunt et votaverunt deinceps esse parochiales ecclesie S.te Marie nove de Eugubio ad sacramenta et ad sepulturam voluerunt esse in ecclesia S.ti Augustini predicti. Rogantes me, Notarium infrascriptum dicte partes ut de predictis publicum conficerem instrumentum.

Et Ego Francischus quondam Tomassutii Nicholutii de Eugubio, publicus imperiali auctoritate Notarius et Iudex ordinarius predictis omnibus et singulis presens interfui, rogatus scripsi et publicavi, signoque meo signiavi ad fidem predictorum. Signum Notarii.