LA FONDAZIONE DEL CONVENTO DI MODENA

 

 

 

Il 17 gennaio 1245 il notaio Bonifacio Aspettati redasse un breve atto in cui ricorda la fondazione di un convento giambonita a Modena.

 

Modena, 17 gennaio 1245. In nomine Domini nostri Jesu Christi. A Nativitate eiusdem MCCXLV, indictione III, die Martis XV exeuntis Januarii. Cum Fratres Eremitani frequentissime postulassent a domino Al(berto), venerabili episcopo Mutinensi, licentiam construendi oratorium et ecclesiam et locum in quo quidam ex ipsis fratribus residere deberent in obsequiis Jesu Christi, i(s)dem dominus episcopus deliberato corde videns et considerans manifeste ad honori Dei et utilitati totius populi sibi subiecti multipliciter expedire ad postulationem et instantiam fratris Martini, prioris parmensis, et a fratre Matheo, priore generali totius ipsius Ordinis, destinati voluntate dominorum Johannis, archipresbyteri, Guidini et Gysulfi, canonicorum Mutinensium, pro eis et aliis de capitulo Mutinensi, ut in presentia ipsius domini episcopi asserebant, concessit licentiam et liberam facultatem iam dicto fratri Martino, priori vice et nomine totius Ordinis recipienti, construendi ecclesiam in quarterio canonicorum inter portas Citanovae et Ganaceti supra foveam civitatis et acquirendi terram eis sufficientem et necessariam tam ad casamenta et hortos quam ad ecclesiam construendam, salvo iure in pensionibus et firmitatibus (?) capituli et ecclesiae Mutinensis, quorum est proprietas dicti loci. Ita tamen, quod dicti fratres in ipsa ecclesia nec parochianos neque parochiam habere debeant nec aliquos ad sepulturam recipere absque voluntate et consensu sacerdotum ecclesiarum, in quarum parochiis morabuntur. Ad cuius rei maiorem evidentiam et perpetuam firmitatem praefatus dominus episcopus huic publico instrumento suum fecit sigillum apponi. Actum in episcopali palatio Mutinensi, praesentibus testibus dominis Alberto Papiensi, legum doctore Jacobo canonico Plebis de Nonuntula, eius fratre Philippo Burdixiniensi, fratre Hugolino Bonincontri, fratre Ribaldino Bessolario, fratre Albinello, fratre Albertino Tintoris et aliis pluribus. Et ego Bonifatius Aspettati, imperiali auctoritate notarius, interfui et rogatus scripsi.

 

Archivio Generale dell'Ordine (OESA), Roma. Pergamene volanti.