PANORMITA PAULUS

 

 

 

Panormita Fr. Paulus, Ord. S. Aug. vixit saec. XVI ineunte. Discipulum fuisse videtur Mag. Secundi Contareni de Venetiis, nam an. 1491 ipse erat in Conventu Venetiarum cursor theologiae, dum Secundus erat inibi studiorum Magister Regens. Dicitur ab Ossinger p. 656 vir honestate praestans ac doctus. Una cum praedicto Contareno emendavit ac edidit opera quorum tit.:

1. Super libros de anima. Quaestiones de sensu agente et de sensibilibus communibus ac de intellectu Cajetani Thienensis.

2. Item: De substantia Orbis Ioannis de Gandavo. Emend. Secundus Contarenus et Paulus Panormita Ord. Erem. S. Aug. Venetiis, Typ. Greg. de Gregoriis, 1505 ff. 115 in fol. 

 

 

 

Referenze:

Panzer, VIII, 422 et 699 nec non Rosenthal in suo Cat. XCII, n. 34