ROCCHIGENA ANSELMUS

 

 

 

Rocchigena Fr. Anselmus, Picenus, S Theol. Mag., unus fuit ex Augustinianis, qui tempore Gen. Hieronymi Seripandi tum ingenii acumine, doctrinae laude, in rebus agendis dexteritate, et tum sermonis splendore magis claruerint. Ab anno enim 1539 ad an. 1575, fere omnibus capitulis generalibus interfuit vel ut orator, vel ut Discretus, Definitor et Provincialis. Apud eumdem P. Seripandum in tantam existimationem fuit ut hic non dubitarit eidem committere exponendae rationes in comitiis generalibus an. 1551 Bononiae habitis coram Patribus inibi coadunatis, quibus ille coactus fuerat renuntiandi ad supremum Ord. magistratum. Illius Oratio id exponens edita reperitur in nostris An. Aug., Vol. IX, p. 375 et seq.