ROMAGNANO NICOLAUS

 

 

 

Romagnano Fr. Nicolaus a Carignano in Pedemontio, vir doctus, et ut ait Pamphilus, in habendis ad populum sermonibus non minimae opinionis, quippe qui erat in dicendo copiosus et eloquens, fuit nostrae Congregationis Lombardiae nobilis alumnus. Quinquies fuit in ea Vic. Generalis, videlicet ab an. 1518 ad an. 1538, quater Definitor, annis scilicet 1526, 1530, 1532 et 1537, et ter Synodorum Praeses. Sane non levis tanti viri commendatio, scribit Herrera in suo Alphabeto August., T. II, p. 196, per 20 et amplius annos in tam illustri Congregatione praecipuis muneribus functum esse, quasi grandia hominis merita illum non sinerent esse privatum. Obiit Romae Prior Monasterii S. Mariae de Populo an. 1540. Rizzottus in Syllabo Script. Pedemontii, p. 451, haec de illo habet: "Alberti Patavini Sermones, qui in Bibliothecis pulverulenti extabant, typis mandavit, nec non pulcherrima praefatione, doctisque observationibus illustravit. Extat in Biblioth. S. Mariae de Populo Romae eiusdem Romagnani latinum ms. quadragesimale perdoctum et morale. Ubinam modo hic ms. reperiatur, nescimus.  

 

 

 

Referenze:

Della Chiesa, Catalog. cit. p. 172 et Lanteri, Postr. Saec. Sex R. A., T. II, p. 186.