ROTONDI IOSEPH

 

 

 

Rotondi Fr. Ioseph, in oppido Cavarum Praenestinae Dioec. die 24 aprilis 1879 ortus et die 18 novembris 1896 Augustinianam regulam professus, primam litavit hostiam die 25 iulii an. 1903. Religiosus rectus, pius, morum honestate clarus, Provinciae Romanae Definitoris, S. Mariae de populo Urbis et S. Mariae a Bono Consiglio Genestani prioris et administratoris munera exercuit atque exercet. Scripsit: La Chiesa di Santa Maria del Popolo e suoi monumenti, Roma, off. tip. Rom. "Buona Stampa", 1930 in 8, pp. 86.