SACIELLO ROGERIUS

 

 

 

de Saciello Fr. Rogerius, cuius in nostra Bibl. Patavina iuxta Tomasini, in suis Bibl. Patavinis privatis, p. 72, habebatur quoddam opus, cui tit.: Postilla super librum Sapientiae edita a Fratre Rogerio de Saciello sacre pagine professore Ordinis Heremit. Sed de illo observari oportet quod vel scriptor hujus codicis male exaraverit patriam hujus Rogerii, vel quod Tomasinius male legerit textum eiusdem; nam auctor hujus Postillae non est Rogerius de Saciello sed Rogerius de Lavello, uti legitur in codice n. 381 Bibl. Angelicae Urbis, uti jam notavimus, Vol. II, p. 151 hujus operis. Peritioribus tamen relinquo solutionem quaestionis huius.