SALINAS AUGUSTINUS

 

 

 

Salinas Fr. Augustinus, S. Theol. Bacc. ortum habuit Neapoli die 28 augusti 1838. Acri ingenio ornatus a teneris annis scholas PP. Societatis Iesu adiit, ibique una cum litteris pietatem bonosque mores hausit. Magna cum laude expleto litterarum curriculo, et laurea in regia universitate decoratus, inter fratres Erem. S. Aug. Congregationis S. Ioan. ad Carbonariam, qui scientiae et pietatis fama gaudebant, admitti petiit, et habitum suscepit e manibus sancti viri Aloysii Castiglione, quo magistro, tyrocinium die 15 sept. 1859 laudabiliter explevit.

Die vero 12 oct. 1862 sacris initiatus, munus sacerdotale, praesertim tempore, quo religiosi, extra claustra lege civili morari coacti fuere, magno cum zelo obiit. S. P. Augustini, eiusque Intituti devotissimus fuit; quidquid in bonum et decorem Ordinis N. conferre posset, omni studio perficere conatus est. Plurimum adlaboravit in redigendo ephemeridem: L'Eco di S. Agostino, quae multis annis Magni Parentis Nostri, nostrique Ordinis laudes evulgavit. Opuscula scripsit: La Sacra Cintura di Maria - Brevi cenni di S. Rita - Dell'immagine prodigiosa di Maria SS. del Buon Consiglio, et opus: Il Religioso in solitudine Ven. P. Ioan. Nicolai Chiesa, Napoli, Salv. Marchese, 1899, in 8. pp. 575. Quinta edizione, iussu P. Generalis Thomae Rodriguez in meliorem formam redactum, iterum in lucem edidit. In cap. gen. an. 1889 celebrato, Vicarius Gen. suae Congregationis fuit electus, pluriesque confirmatus. Tandem senio confectus, et sacramentis munitus, piissime obiit die 27 martii an. 1912. Ita in Analectis Aug., T. IV, p. 241.

 

 

 

Referenze:

Analectis Aug., T. IV, p. 241.