Sde ANCTA VICTORIA ROGERIUS

 

 

 

de Sancta Victoria Fr. Rogerius, S. Theol. Lect., vixit saec. XIV. P. Ios. Lanteri, Postr. Saec. Sex. R. A., Vol. I, p. 377 affirmat illum floruisse an. 1386 ac scripsisse Sermones quadragesimales, dominicales, et de Sanctis. In Bibl. Angelica Urbis in cod. 212 (B. 8. 16), chart. in fol. (0,308 x 0,218) ff. 170, saec. XIV, binis columnis, fortasse authographo, hi sermones continentur, et codex ita describitur a Narducci Catal. cit. p. 122: "Fr. Rogerii de Sancta Victoria, provinciae Marchiae Anconitanae, ord. S. Augustini Sermones Quadragesimales dominicales, et festivi". Tit.: "In Xpi nomine incipiunt Sermones quadragesimales compilati et editi a Fratre Rogerio de Sancta Victoria ordinis Sancti Augustini deo gratias amen. Item dominicales per universum annum secundum consuetudinem peritorum. Sit laus deo patri et filio et Spiritui Sancto, cum quibus personis et trinitate sumus regnaturi in saecula amen. Pariterque festivi secundum decreta festorum in singulis diebus" etc. Inc.: "Cum ieiunatis...".

Praevius est ff. 1-2, prologus, anno, ut videtur, 1386 scriptus, qui inc.: "Frater Rogerius de Sancta Victoria lector indignus Ordinis fratrum sancti Augustini, inclinatus ad petitionem aliquorum...". "Explicit opus editum M° CCC° LXXXVI a fratre Rogerio de Sancta Victoria, deo gratias amen. Totius anni in quatrajesimalibus, festivis et dominicalibus sermonibus. In laude reverentia et gloria d.ni nostri Y.u X.pi deo gratias amen". Refertus est codex, a principio usque ad finem, explanationibus marginalibus, et P. Thomas Herrera se vidisse testatur hoc opus in Biblioth. Rev.mi Fortunati Scacchi, sub Urbano VIII Apostolici Sacrarii Praefecti, teste Ossinger in Bibl. Aug., p. 935.