de S. GEMINIANO GIUNTA

 

 

 

de S. Geminiano Fr. Giunta, qui et Iuncta etiam dictus, vixit saec. XIV ineunte. De eo habetur quod Ioanni de Racciano, eius confratri, quamdam pecuniarum summam commodaverit, quam postea etiam atque etiam frustra ab eo repetierat. Qua de causa, ut iuxte satisfieret, recurrere compulsus fuit auctoritati Prioris Gen. Alexandri de S. Elpidio, qui, omnibus perpensis, die 4 februarii 1318, in mandatis statuit ut Conventus de S. Geminiano, cui praedictus Fr. Ioannes de Racciano pecunias ac bona mutuas dederat summa centum et quinque florenos de auro, praedicto fratri Giuntae de S. Geminiano centum libras denariorum Senensium parvorum solveret pro fr. Ioanne, ita ut iste amplius Fr. Giuntae in aliquo teneretur (Cfr. Analecta August., Vol. XII, p. 247-8). Virum fuisse videtur nostrum Fr. Giuntam, et integerrimae vitae, et magnae pietatis atque rarae et exquisitae eruditionis, ita ut ad posteros transmiserit:

1. Valerii Maximi dictorum et factorum memorabilium Commentaria, Libr. IX. Cod. Vat. Lat. 7229 membr. in fol. saec. XV, II. 112, cum litteris coloratis, et figura auctoris miniata fol. 15. Inter ff. 1-14 habetur materiarum index, et inter ff. 110-112 insex capitulorum 9 librorum. Auctoris nomen legitur linea 4 columnae 2, fol. 110b. (Cfr. Forcella, Catal. Mss. riguard. la Storia di Roma, Vol. 1, p. 93).

2. La Historia, vita et morte del Glorioso et B. Bartholo da S. Gemignano, con li Miracoli, che fece in vita, e dopo morte, scritta in latino dal P. Giunta Eremitano dell'Ordine S. Agostino, tradotta in Lingua Toscana. "In Fiorenza 1575, per Francesco Tosi nel Garbo, in 4. Il Traduttore sembra dal Prologo che sia Iacopo Manducci Pisano, il quale dice di averla tratta da un ms. esistente in S. Gemignano, Patria del P. Giunta, il quale la scrisse poco dopo il 1300". Ita Moreni, Bibliogr. Stor. Ragionata della Toscana (Firenze, 1803), Vol. I, p. 444. Exemplaria hujus operis asservantur Romae in Biblioth. Alexandrina et Casanatense, DD. XI. 81.

3. Iunctae de S. Geminiano Ord. Fratrum Erem. S. Augustini tabula Alphabetica in Senecae moralia extat in cod. 8541 membr. an. 1389 exarato Bibl. Regiae Parisiensis et in altero cod. n. 8727 eiusdem Bibl.

 

 

 

Referenze:

Forcella, Catal. Mss. riguard. la Storia di Roma, Vol. 1, p. 93