SAVIO HIERONYMUS

 

 

 

Savio Fr. Hieronymus filius Leonardi, Ariminensis, S. Theol. Magister, vir sane moribus et eruditione insignis, erat an. 1388 et 1389 in conventu Patavino studens. Per obitum Bandelli Cardinalis de obedientia Gregorii XII, a Canonicis tempore Constantiensis Concilii eligitur in patriae Episcopum, quam electionem Martinus V ratam habuit die 10 ian. 1418. Vivebat in conventu nostro Ariminensi, et an. 1423 coenobii Veruculani gubernator erat. Eo enim anno die 19 novembris sic in Generalium Registris habetur: "Concessimus Rev. D. Hieronymo Episcopo Ariminensi, cui Generale Capitulum Astense commisit omnem curam et gubernationem conventus Veruculi, ut possit quotiescumque fuerit opus, mitere ad ipsum Priorem et necessarios fratres". Interfuit Concilio Constantiensi et a DD. Malatesta an. 1425 pro pace tractanda legatus ad Comitem Montis Feltri fuit missus. Arimini instituit Canonichissas Lateranenses, ac de paternis bonis Episcopatui praedium donavit in Covignano colle pro suorum successorum rusticatione. Mors illum rapuit die 28 sept. 1435, sepultusque est in patrio S. Aug. coenobio. Laudatur ab Ughello T. II, col. 432, n. 47; a Caesare Clementini in Hist. Arim., T. II, p. 238 (ed. 1617); a Moroni, Vol. 57, p. 298; ab Herrera, T. I, p. 342 et a Lanteri, Erem. Sacrae Aug., T. I, p. 32. Ab eo extant: Sermones sive collactiones in Concilio Constantiensi habitae. Cod. Vat. Palat. 593, ff. 279-289.

 

 

 

Referenze:

Laudatur ab Ughello T. II, col. 432, n. 47; a Caesare Clementini in Hist. Arim., T. II, p. 238 (ed. 1617); a Moroni, Vol. 57, p. 298; ab Herrera, T. I, p. 342 et a Lanteri, Erem. Sacrae Aug., T. I, p. 32.