SAVONA HIERONYMUS

 

 

 

de Savona Fr. Hieronymus, dictus ab Ossinger Hieronymus excalceatus, vixit saec. XVII. Magno sui instituti provehendi studio incensus, in Hispaniam perrexit, ubi multa erexit monasteria in provinciis Valentiae, Aragoniae, et Caesaraugustae, et pro sua in Deum valde florens pietate licet alienigena, in coenobio Matritensi Prior electus fuit. In academia Barchinonensi primus Theologiae professor renuntiatus est. A Lanteri Vol. III, p. 439, ex Oldoino dicitur: doctrina inclitus, sanctisque moribus exornatus. Obiit an. 1620. Ex eius opere habentur:

1. Hierarchia Mystica.

2. De rebus naturalibus.

3. De S. Petro et Ioanne Apostolis.

 

 

 

Referenze:

Tani, Commentaria cit. p. 99