de SAVONA ZACHARIAS

 

 

 

de Savona Fr. Zacharias, a Iulio II, conterraneo suo, dum Ventura Episcopus Massensis in carcere detineretur, Sacrista Pontificius renunciatus est; non an. 1498, ut male habet Crusenius p. 86 et Pamphilus f. 97, sed potius an. 1504, ut notavit Burgardus (Liber Notarum, Città di Castello, T. II, p. 461) affirmans Zachariam a Summo Pontifice Iulio, an. 1504 in Sacrarii Praefectum deputatum, die Dominica 20 octobris, eiusdem anni, post duos menses vel circiter, a sua electione animam efflavisse. Ipse diu in Basilica S. Petri poenitentiarii officium gesserat, postquam sacrorum Canonum accuratissimum interpretem Romae et alibi egisset. Ab eius calamo extat: Tractatus de ritibus, qui ms. asservatur Romae in Biblioth. Vaticana.

 

 

 

Referenze:

De eo Torelli, T. VII, cart. 550; Chronist. p. 342; Elssius, p 679 et Ossinger p. 216