SCIVETTI NICOLAUS THOMAS

 

 

 

Scivetti Fr. Nicolaus Thomas a Iuvenatio, S. Theol. Doctor, an. 1741 examinatus fuit ad Regentiam una cum PP. Bacc. De Lemos, Michelangeli, De Vita et Puccini, et cum omnes ab Examinatoribus omnibus votis favorabilibus essent approbati, Studiorum Regentes declarati fuerunt. Anno insequenti erat Genuae in Conventu S. Mariae de Consolatione Regens; mittitur inde Papiam, ac duobus post annis Ariminum eodem fungens munere. An. 1745 interfuit, iam in S. Theol. Magister, Cap. generali Bononiae habito, ut Discretus Prov. Philippinarum, ac paulo post fit in Abellinensi Seminario ecclesiasticae historiae professor. Latine typis edidit opus cui tit.:

1. Historia Ecclesiastica ad usum Seminari Abellinensis in compendium redacta usque ad saec. V., T. I, an. 1745; T. II, an. 1752.

2. Propositiones historicae, criticae, et polemicae de rebus in quinto Ecclesiae saeculo gestis. 

 

 

 

Referenze:

Lanteri, Postr. Saec. Sex R. A., Vol. III, p. 179 et Hurter, Nomencl. Lit., T. IV, 1910, col. 1510