SENECA AUGUSTINUS

 

 

 

Seneca Fr. Augustinus de Urbeveteri, non Romanus, uti dicunt fere omnes nostri scriptores, floruit secunda medietate saec. XIII, nam an. 1275 in capitulo provinciali Romanae Provinciae de Centumcellis ipse Augustinus Seneca, de Urbeveteri, electus fuit Discretus pro capitulo generali, Tuderti anno sequenti celebrando, prout reapse eidem astitit. Similiter, an. 1279 Franciscus Regiensis, Generalis Prior et compromissarius, inter Definitores Provinciae Romanae elegit "Fratrem Augustinum Senecam, Urbevitanum an. 1284 Aegidius Romanus visitatorem Provinciae Romanae cum Iacobo de Viterbio nominat "Fratrem Augustinum de Urbeveteri, predicatorem"; et ad idem officium an. 1286 eum eligit Horandinus de Narnia de Urbeveteri dicitur ac predicator cum an. 1289 electus fuisset Procurator Provinciae ac an. 1296 iterum Provinciae Definitor; et licet aliquando nominetur quin de eius patria fiat mentio, ut cum ei committitur an. 1294 providere de questa competenti conventui Aquapendentis, aut sermo fit an. 1295 in Capitulo Generali Senensi de commissione quam a B. Clemente habuerat quoad conventum S. Martini de Campiano, vel etiam de eius breviario in definitionibus Capitulorum Provincialium an. 1295 et 1297, nunquam tamen dicitur Romanus. Corrigendi igitur sunt nostri scriptores ac praesertim Dominicus Ant. Gandolfo, qui, p. 79, et novum errorem addidit cum asseruerit Augustinum Senecam inter Germanos floruisse ab an. 1276 usque ad an. 1295, quos errores e citato Gandolfo etiam Lanteri in Postr. Saec. Sex, T. I, p. 73, ebibit.

Quo tempore Augustinus Seneca obierit ignoramus. In actis Capitularibus Provinciae Romanae editis a Rev.mo P. Eustasio Esteban in Analectis August., T. II, pp. 227, 230, 248, 273, 365 et praesertim p. 395, a qua haec accepimus, post an. 1297, numquam amplius citatur. "Primus, scribit etiam Gandolfus, p. 80, qui eum opera exarasse meminerit, fuit eruditissimus Petrus de Alva Minorita in Appendice ad Biblioth. Conceptionis, col. 1491, inadvertenter tamen ab ipso Germanus creditus, quia opera eius in Germania invenit, nempe in nostra Coloniensi. Hanc inadvertentiam correxit Maraccius in append. ad Marianam Bibl., Coloniae editam 1683, fol.". Tractatus nostratis Senecae erant igitur usque ad saec. XVII in nostra Bibl. Coloniensi, sed nunc, post suppressionem fratrum nostrorum in Germania, ubinam reperiuntur? Hi tractatus sunt:

1. Tractatus super Ave Maria. Inc.: "Ave Maria Virgo Gloriosa ...". Ms. in fol. et in Coloniensi nostra Bibl. ferebat pro signo: Lit. E n. 46.

2. Tractatus de Beata Maria qui inc.: "Ancilla Dei est Virgo Beata". Ibidem "Est Tractatus egregius, utinam lucem videat". Sic Alva.

3. Tractatus super Missus est Angelus. Item ibidem. "Utrum autem, ait idem Alva, sit eiusdem, incognitum est. Hoc affirmare possum caracterem esse eumdem".