de SENIS AMBROSIUS

 

 

 

de Senis Fr. Ambrosius, S. Theol. Mag. erat in Registris Ordinis an. 1470 studentium magister Romae et anno insequenti fit ibidem lector. Die 15 febr. 1472 locatur primus lector in studio Senarum et an. 1475 illius Regens. An. 1482, iam S. Theol. Mag., fit conventualis perpetuus nostri conventus ad lacos Ambrosianos, et ut Definitor suae provinciae an. 1485 interfuit capitulo gen. Perusiae celebrato, cum an. 1483 praememoratae suae provinciae praefuisset.

Tandem an. 1499 ei concessum fuit cum fratribus Guilelmitis morari. Eodem anno italice edidit: Vita di S. Nicola da Tolentino. Impressum Mediolani per magistrum Ioannem de Lignano et Leonardum Pachel, 1499 die XV decembris, in 4, cc. 34, quae assarvatur Parisiis in Bibl. Nation. (Cfr. Copinger, n. 5832 et Pellechet, n. 598).

Inc. "Nova luce al mondo vista fu". In fronte operis legitur: "Questa legenda è stata traslata de latino in vulgare con molti miracoli gli quali furono recitati inanti al Papa Eugenio". Edita insuper fuit Venetiis an. 1511; ibidem per Bernardinum Benalium, 1524 in 4; et latine redditam per Scipionem Iardinum Maceratensem primarium iuris interpretem in Maceraten. Gymnasio, Maceratae per Silvestrum Martellinum, 1594 in 4.

 

 

 

Referenze:

Herrera, T. I, p. 57; Elssium, p. 48; Torelli, T. VII, p. 624; Iöcher, T. I, col. 337; Ossinger, p. 826; Lanteri, T. III, p. 410; Gandolphum, p. 358; Hurter, T. II (1906) col. 1056