SERAPHINUS A S. BERNARDO

 

 

 

Seraphinus a S. Bernardo, Messanensis, Ord. S. Augustini Congregationis Excalc. Italiae, ex familia Sofia, ortum habuit die 18 Augusti 1650, et an. 1664 habitum Religionis suscepit, in qua exacto Philosophiae et Theologiae curriculo, doctrina satis excultus, ad nonnullos Religionis gradus merito vocatus, inter suos merito effulsit. Clericorum studentium Magister, Coenobii Messanensis et Catanensis Prior extitit, et apud Messanensis Provinciae a secretis. Triennio Visitatoris Generalis munere Romae an. 1698 claruit, ubi etiam triennio Definitoris Generalis et totidem Secretarii Generalis functus est officiis. In Provincia Messanensi Definitorem, Commissarium Generalem, Visitatorem et Provincialem egit, quibus in muneribus sui venerationem excitavit. Eloquentia et eruditione conspicuus quadragesimales conciones non sine animarum fructu habuit Romae, Venetiis, et in siculis civitatibus Motycae, Ragusae, Siclis, Castri-regalis et Acis-regalis. Extra quadragesimam etiam pluries fuit auditus cum plausu Messanae et alibi. Dum Provincialem Definitorem ageret, obiit Messanae 15 Octobris 1707. Edidit italice:

1. Oratione in lode del M. R. P. Apollonio della SS.ma Trinità Vicario Generale dell'Eremitani Scalzi Agostiniani della Congregatione d'Italia e Germania etc. Messina presso Matteo la Rocca, 1678, in 4.

2. La carta Geografica, Oratione Panegirica in lode della Sacra lettera di Maria scritta ai Messinesi. Messina, presso Vincenzo Amico, 1683 in 4.

3. Lettera in Consulta, Oratione Panegirica in lode della Sacra Lettera di Maria scritta ai Messinesi. Messina, presso Matteo la Rocca, 1687, in 4.

4. Le nozze estemporanee, Oratione funebre, in occasione dell'Esequie della molto illustre e Rev. Signora D. Maria Dainotto, de' Baroni di Bruzzano, Abbadessa e Provincialessa delle due Sicilie, delle Canoniche Regolari di S. Agostino, celebrate nel tempio di S. Caterina di Valverde di Messina, Messina presso Antonio Maffei, 1702, in 4.

5. Il Sole Allegorico d'Ezecchia, Panigirico in lode della Sacra Lettera di Maria a' Messinesi. Ibidem. Praelo paraverat.

6. Panegirici sacri.

 

 

 

Referenze:

Haec desumimus ab Antonio Mongitore in Bibliotheca Sicula, Vol. II, p. 219; ex Mazzucchelli, Vol. II, part. II, p. 976; ex Ossinger, p. 123; ex Lanteri, Postr. Saec. Sex., T. III, p. 442 et ex Tani, p. 137