SESTINENSIS STEPHANUS

 

 

 

Sestinensis Fr. Stephanus, S. Theol. Mag. ac in Concilio Tridentino theologus, an. 1543 erat Neapoli nostrorum Studiorum Magister Regens, et anno 1547 interfuit capitulo gen. Recinetensi ut Provincialis nescio cuius provinciae, ac inibi locatus fuit studiorum Regens in conventu Mediolanensi, ex quo missus fuit cum eodem munere Venetias ad S. Stephanum, ubi forsan paulo post mortuus est, cum amplius non appareat in actis capitularibus.

In cod. G. 63 n. 17 Bibl. Vallicellianae miscell. eiusdem habetur quaedam disquisitio sive votum: Super articulo de iustificatione imputativa et certitudine gratiae in Congregatione theologorum Concilii Tridentini, die 25 octobris 1546 habita ff. 10 in 4.