SIMEONI THOMAS

 

 

 

Simeoni Fr. Thomas, Bononiensis iuxta Acta Capitulorum gen., a Monte Leone iuxta Lanteri, S. Theol. Mag. ac Aemiliae Provincialis, an. 1679 interfuit cap. gen. hoc anno Romae celebrato, ac in eo bis in nostra ecclesia S. Augustini concionatus est, scilicet die 21 maii, in solemnitate Pentecostes, loco P. Mag. Francisci Ferragatta infirmi "orationem elegantem omnisque eruditionis ornatum habens, qui superiorem amorem docere monstravit" et die 23 eiusdem mensis de materia currenti. Alio capitulo gen. an. 1693 iterum interfuit, et die 11 maii post electionem Generalis, et processionem SS.mi Sacramenti in Basilica S. Petri, Patres Capitulares ad ecclesiam nostram (idest S. Aug. de Urbe) reversi eximium P. Magistrum Fr. Thomam De Simeonibus Bononiensem (ita notatur in Actis) alterum saeculi nostri Demosthenem a sacro suggestu, ingenti assistentium admiratione declamantem audierunt. Ex eius operositate habetur: Dissertatio de non confundenda Anicia Faltonia Proba et Valeria Faltonia Proba, typis an. 1692 edita.

 

 

 

Referenze:

Lanteri, Postr. Saec. Sex R. A., T. III, p. 193