SIMONETTI NICOLAUS

 

 

 

Simonetti Fr. Nicolaus de Cascia, S. Theol. Mag., qui an. 1646 erat Romae in conventu S. P. Augustini studens, fuit orator tempore quo vixit, non spernendi subsellii. An. 1673 interfuit Capitulo Generali Romae habito, et in eo habuit panegyricam orationem de S. Rita de Cascia, renuntiatusque in eo fuit Provincialis suae Umbriae Provinciae. Interfuit quoque alio capitulo gen. an. 1679 celebrato tamquam Discretus suae Provinciae, et hoc eodem anno facultatem obtinuit a S. Congregatione SS. Rituum adaperiendi capsam in qua continebantur sacrae exuviae nostratis B. Simonis de Cassia, et inde illam reponere in decentiori loco, nempe sub altare maiore ecclesiae S. P. Augustini illius oppidi. Scripsit:

1. Vita della Beata Rita da Cascia dell'Ordine Eremitano di S. Agostino dedicata all'Emo e Rev.mo Principe Frat'Enrico de Noris, Cardinale di S. Chiesa del med. istituto di S. Agostino. Non fuit typis edita et nunc asservatur ms., ff. 191, in archivo Postulationis Ordinis. Insuper alia scripsit quae asservantur mss. in Biblioth. Communitatis Casciae sub N. 30, et sunt:

2. Tractutus de Visione Beatorum, ff. 1-122.

3. Tractatus de Angelis, ff. 122-182.

4. Tractatus de Sacramentis, ff. 182-299. Ilic tractatus est incompletus. (Cfr. A. Morini, I Mss. della Bibliotheca Com.le di Cascia, Cascia, 1898. p. 7). Alia quoque eiusdem Simonetti asservantur in codice N. 29 eiusdem Bibliothecae.

 

 

 

Referenze:

P. Mattioli, Antologia Agostiniana, Vol. II, p. 56