SOLERA PALEOLOGO ADEODATUS

 

 

 

Solera Paleologo Fr. Adeodatus, Salernitanus, S. Theol. Mag., ex nobili familia ortus, vixit saec. XVII. Fuit religiosus, ut ait Ossinger, p. 860, omni litteratura instructus, ac in divinarum litterarum studium propensissimus, variarumque artium liberalium clarus. Quamobrem tum apud Ordinem tum extra condignos obtinuit honores; fuit enim in capitulis generalibus perpetuus Definitor, atque Neapolitanae Academiae Otiosorum sodalis. Fuit eximii concionatoris nomine clarus, nonnullorum conventuum prior, interfuit capitulis generalibus ann. 1636 et 1645 celebratis, et in hoc postremo provinciae Terrae Laboris praefectus electus evasit. Sese dixit de Candia ex eo quia illa in insula praedicavit. Laudatur ab externis Nicolao Toppio in Bibl. Neapolitana, p. 70; a Leonardo Nicodemo, Addizioni copiose alla Bibl. Napolitana del Toppi, p. 66; a Maraccio, Bibl. Mariana, Vol. I, p. 317; a Minieri Riccio, Memorie storiche degli Scritt. nati nel Regno di Napoli, p. 333 et a nostrate Lanteri, Postr. Saec. Sex. R. A., Vol. III, p. 3. Praelo tradidit sequentia opera italice exarata:

1. La Divina Face che illumina e converte l'anime degl'Infedeli e de' Peccatori alla Cattolica e vera fede e mostra la strada di ascendere e far ritorno all'Eterno Creatore. Opera... nella quale per commodo de' Padri Predicatori, vi sono digressioni concettuose e morali applicabili a molti Evangeli, dell'anno e della Quaresima. Napoli, nella stamperia di Tarquinio Longo, 1617, in 8. Huic volumini alterum sequi debebat, ut promittit in praefatione auctor, sed nos latet an in lucem prodierit nec ne.

2. Predica di S. Teresa, Napoli, 1621, in 4.

3. Le sei hore sacre delli sei giorni della settimana Santa. Napoli, 1619, vol. I, in 4.

4. I memoriali di Stato, sive de officio Principis, Napoli, 1628, in 8.

5. I sacri lacci del divino amore per coloro che desiderano di servire a Dio.

6. La nobile conversazione. Napoli.

7. Il Principe vigilante. In Napoli per Lazaro Scorigio, 1629, in 4. Auctor edidit hoc opus sub pseudonimo academico - Ozioso -

8. Utili ricordanze all'ingannato principe. Forsan hoc opus idem est ac superius.

9. Epistola dogmatica, latino sermone exarata, de primatu Petri ad Cyrillum Lucari pseudo-patriarcham constantinopolitanum. Neapoli, 1634 in 4.

10. Contezze politiche e morali. Roma, 1642, vol. I in 4.