SOLIMANI AURELIUS AUGUSTINUS

 

 

 

Solimani Fr. Aurelius Augustinus, Bononiensis, S. Theol. Mag. vixit saec. XVII. Vir fuit, ait Ossinger, p. 855, bonitate, praestantioque ingenio clarus et in faciendo verba ad populum facundia praeditus. Publici iuris fecit:

1. Dell'Istoria di Bologna del P. M. Fr. Cherubini Ghirardacci, Vol. II eius studio et cura, Bologna, 1657 per Giocomo Monti, in fol.

2. Panegirici sacri, discorsi etc. del P. M. Fulgenzo Arminio Monforte, eiusdem Solimani studio et cura editi, in Bologna per Giacomo Monti, 1651.

3. Sex tabulae Sanctorum et Beatorum Ordinis nostri, quas extraxit e libro P. Mag. Aloysii Torelli, cuius titulus: Vite degli huomini e delle donne illustri in Santità. Haec tabualae nuncupantur: Iconographia Magni Patris Aurelii Augustini Ipponensis Episcopi et Ecclesiae Doctoris, una cum Notis et Iconibus Sanctorum ac fratrum incisis a Nicolao Gillier. Bononiae 1654 in fol. Ex bonis paternis Aurelius noster legatum constituit, quo Doctores Bononienses in S. Theologia interesse debebant die festo S. P. Augustini Missae solemni et Panegyrico eiusdem Doctoris, quotannis in Ecclesia S. Iacobi Maioris habitae.

 

 

 

Referenze:

Orlandi, Scritt. Bolognesi, p. 65