SOMMARIVA ANGELUS MARIA

 

 

 

Sommariva Fr. Angelus Maria, Laudensis dictus, at Mediolani ortum habuit die 8 Septembris 1601 ex honestis parentibus Aemilio et Artemilla Manara. In Laudensi S. Agnetis coenobio Eremitarum habitum die 24 Iunii 1615 sumpsit. Expleto probationis tempore, die 8 Octobris 1617 professionem emisit. Postea evasit vir eximiae probitatis, rarae prudentiae atque singularis pietatis. Quamobrem suae Insubricae Congregationis fuit Procurator Generalis ab an. 1647 ad an. 1652, quo eiusdem Congregationis in capitulo Genuae celebrato primatum obtinuit. Potissimum laudatur tamquam famosus suae aetatis concionator. Sui regiminis tempore regularem observantiam summopere provexit, praesertim cum Prioris auctoritate Romanum S. Mariae de Populo coenobium administrabat.

E suae preadicationis proventibus in restauranda S. Mariae Coronatae nostra Mediolanensi ecclesia quatuor scutatorum millia expendit. Adhuc inter vivos agebat an. 1669. Typis evulgavit: La Mostruosa Santità del Gran Tolentinate Nicola Agostiniano del P. Angelo Sommariva. Dedicata al Reverendissimo P. Abbate D. Bernardo Sommariva della Congreg. de' PP. Monaci Olivetani Vicario Generale meritissimo. In Brescia, per li Bizzardi, 1664 in 4.

 

 

 

Referenze:

Lopez, Additamenta ad Crusenii monasticon, p. 112 ex opere Delle Memorie storiche della Congreg. Osser. di Lombardia R. P. Donati Calvi p. 495, ubi et eius imago reperitur; Lanteri, Postr. Saec. Sex Relig Aug., T. III. p. 124; Aprosio in Bibl. Aprosiana, p. 87 et Ossinger in Bibl. Augustiniana, p. 862