STAUREGHI PROSPER A S. IOSEPHO

 

 

 

Staureghi Fr. Prosper a S. Iosepho, patria Mediolanensis in saeculo Christophorus vocatus, ineunte saec. XVIII, nempe mense decembri an. 1715, corporis vinculis solutus, Romae in coenobio Iesu et Mariae, dum inter Augustinienses discalceatos Vicarii Generalis munere fungeretur, diem ultimam clausit in Domino. Lector erat S. Theologiae et praecipuis honorificisque ornatus officiis, prioris scilicet in variis conventibus et provincialis, demum an. 1714 Vicarii Generalis, quae quidem dignitates in concionatoris ministerio obeundo, cui se totum dicaverat, nullo illi fuerunt impedimento. Multa scripsit et evulgavit, quorum in lingua italica ista recensentur:

1. Orazioni Sacre (Rev.mo D. Alexandro Croce, Cremonensi Episcopo dicatae). Milano, presso il Malatesta, 1700 in 4.

2. Discorsi Claustrali sopra la Regola di S. Agostino. Milano, 1704, 1711, 1721 in 4; item in Venezia, 1732 et 1760 typ. Recurti in 4, et Neapoli an. 1858, vol. 2 in 8. Isti Sermones fuerunt E.mo Card. Imperiali dicati et in latinam linguam traslati sub hoc titulo: Bipartitus tubarum clangor diffusus ad mundum extra mundum, et ad mundum in mundo, i. e. ad statum regularem et saecularem sacri discursus selecti claustrales. Ex ital. lat. redd. Christ. Graecensis (O. Min.) 2 partes, 1 vol. Augustate Vindel. 1735 in fol. (Cfr. Lentnernesche Hofbuchhandlung. Katalog. I, Munchen, n. 1161).

3. Trattenimenti sacri nell'avvento di Gesù Cristo e nelle feste di alcuni Santi. Milano, Tip. Malatesta, 1709 in 4.

4. Prediche quaresimali. Milano, Tip. Vigone, in 4, et in Venezia, 1735 in 4.

5. Discorsi claustrali per compiere l'esposizione delle Regole del S. P. Agostino.

Opus quod ab auctore, morte praeventus, absolvi minime potuit.

 

 

 

Referenze:

Ossinger, p. 870; Lanteri, Postr. Saec. Sex R. A., T. III, p. 443, et Tani, Commentaria cit. p. 33 et 134 ex Argelato, Bibl. Script. Mediolan. T. IV, part. I