TAGLIAFERRI ANTONIUS de SIGILLO

 

 

 

Tagliaferri Dom. Antonius de Sigillo, S. Theol. Mag., floruit secunda medietate saec. XVII. Prout legitur in sui Sacri Diarii editione septima an. 1715 vulgati ipse per viginti tres annos extitit nostrorum studiorum Regens, et cum hoc officio Senis fungeretur an. 1689 suae Umbriae Provinciae obtinuit habenas. Tamquam eiusdem Provinciae Discretus interfuit Cap. Gen. an. 1693 Romae celebrato et iterum Cap. etiam Generali an. 1699 habito, in quo cum esset Studii Romani ad S. Augustini Regens, denuo suae Provinciae factus est Provincialis. Videtur an. 1715 vitam adhuc agere, nam hoc anno septimo edidit: Sacro Diario delle gratie, et Indulgenze concesse alli fratelli e sorelle della Compagnia della cintura della B. V. Maria di Consolatione, e di S. Agostino e S. Monica ... aggiuntovi in questa settima impressione il modo di recitare l'officio per li fratelli laici e Monache dell'Ordine e più attentamente riveduto ... In Foligno nella Stamp. di Franc. Antonelli e Giuseppe Merli, 1710, pp. 444 in 16°. Auctor facultatem obtinuit hoc Diarium imprimendi a nostro Generali Antonio Pacini die 23 Aprilis 1698. Editum extat etiam Venetiis an. 1701. 

 

 

 

Referenze:

Ossinger, Bibl. Aug. p. 887, et Lanteri in Postr. Saec. Sex R. A. T. III p. 141