TARDY LAURENTIUS

 

 

 

Tardy Fr. Laurentius de Cuneo in Pedemontio S. Theol. Mag., coenobii Perusini alumnus dicitur fuisse, et haec ad verbum accepimus a Lanteri, Eremi S. Augustnianae, Pars. I, p. 345, Summo Pontifici Gregorio XVI acceptissimus, quippe qui Perusiae cum degeret, ante pontificatum, eiusdem Gregorii intima necessitudine usus fuerat. Describitur in Ordinis regestis, 3 R.mi P. Angelucci, p. 61, ceu vir prudentia, iustitia, pietate, eruditione, morumque integritate, ac suavitate spectabilis. Cum intra tum extra Ordinem nobiliora munera cum laude obivit. Nani fuit multorum nostrorum studiorum Regens, die 10 aug. 1801 ad Magisterium promotus, Umbriae Rector Prov., Ordinis Secretarius sub Rotelli, Assistens Italiae, Socius Romanae Academiae Religionis catholicae, Examinator Episcoporum, Consultor SS. Congr. Indicis et Inquisitionis, atque insulae Sardiniae Apostolicus Convisitator una cum P. Mag. Placido Tadini Carmelita, qui postea fuit Archiepiscopus Genuae et Cardinalis. An. 1831, die 21 maii dum in Sardinia sacrae visitationis causa adhuc detineretur, in supremum Ordinis Moderatorem a Patribus Romae congregatis electus fuit; quae electio praefato Summo Pontifici valde placuit. Praefuit laudabiliter usque ad annum 1835, quo onus dimisit, sese Neapolim recepit atque inibi inter pietatis opera vitam duxit. Quidam ferunt cum Episcopatum Albinganensem, tum Archiepiscopatum Calaritanum illum recusasse. Romam inde reversus debitum naturae per solvit die 6 maii an. 1848, aetatis suae 85. En quae scripsit:

1. Vita della B. Rita da Cascia dell'Ordine Erem. di S. Agostino. Foligno, 1805, in 8; Assisi, tip. Sensi, 1864 in 8; Roma, tip. della Pace, 1886 in 12; Roma, tip. Vaticana, 1900 in 4.

2. Vita della B. Chiara da Montefalco dell'Ord. Erem. di S. Agostino. Roma 1821; in Foligno, 1846; Roma, tip. della Pace di Filippo Guggiani, 1881 in 8.

3. Regola del S. P. Agostino volgarizzata col testo originale a fronte per l'intelligenza delle Monache e de' Fratelli conversi. Roma, 1827, presso Carlo Mordacchini in 8. Haec prima editio est anonyma; Roma, 1845, in 8.