TERRISENGHI CAROLUS

 

 

 

Terrisenghi Fr. Carolus ex illustri progenie anno 1595 ortus habitum eremiticum Ord. S. Augustini Congregationis Lombardiae in sua patria suscepit die 24 Maii 1611. Ob virtutum ornamenta ingeniique facilitatem omnibus coevis suis carus fuit. Lectoratus gradu condecoratus per plures annos diversis Congregationis in domibus philosophicas ac theologicas scientias docuit. Cremonensi, Ferrariensi et Bononiensi monasteriis praefuit. Visitatoris et definitoris munera obivit et an. 1646 Vicarius Generalis in comitiis generalibus Tolentini habitis est renuntiatus. Obiit die 24 mensis Aprilis an. 1647, omnibus Ecclesiae Sacramentis refectus. Reliquit mss.:

1. Quaestiones de Sanctissimo Eucharistiae Sacramento.

2. Historiarum compendia. Tom. quatuor.

 

 

 

Referenze:

Calvi. Delle Memorie Istoriche della Congreg. Osserv. di Lombardia, Milano 1669, p. 479-483, qui et eius effigiem Refert.