de TOLENTINUS BOETIUS

 

 

 

de Tolentino Fr. Boetius, senior nuncupatus, an. 1387 erat Tolentini jam S. Theol. Mag. nec non vir, quem unum ex omnibus faciebat Bartholomaeus Venetus Ordinis Generalis, uti videre fas est in epistola eiusdem Generalis diei 13 Aprilis 1387, nunc asservata in Archivo Municipii Tolentinatis. Cum Prior extaret Perusinus an. 1389 effectus fuit Procurator Generalis, in quo munere mansit usque ad an. 1397. Anno 1409 interfuit Concilio Pisano, et ab an. 1419 usque ad an. 1424 fuit Provincialis Marchiae Anconitanae. Inde an. 1425 iterum renuntiatur Procurator Generalis, et initio an. 1426 a Martino Pp. V Archiepiscopus Colossensis creatur. Erat adhuc superstes an. 1428.

Scriptis et concionibus insignis theologi et egregii concionatoris nomen per totam Italiam sibi comparaverat. Laudatur a P. Oratio Civalli in sua Visita Triennale ms., a Francisco Scalamonti in Vita di Ciriaco Anconitano, a P. Ludovico Zacconi in suo opere Le Glorie Agostiniane p. 181, ob Ughellio, Ital. Sacr. T. III, p. 471 et a P. Elssio in Encom. Aug. p. 130 qui refert Boetium nostrum edidisse: Lucubrationes varias quae forsan latent in Bibliothecis. Extat in Bibliotheca Vaticana, Cod. chart. ms. sub num. 1239, pp. 105, in cuius penultima pag. legitur: In isto libro continentur in summa sermones ad diversas materias, scripti per me Fratrem B. (Boetium?) de Tholentino in Conventu Paduano 1444 die 14 mensis Martii. 

 

 

 

Referenze:

Vecchietti, Biblioteca Picena, Vol. 2, p. 217 et 286-287, atque Lanteri, Erem Sacr. Aug., Vol, I, p. 245; in Additamentis ad Crusenii Monasticon, p. 428, et in Postr Saec. Sex Religionis Augustinianae, Vol. I, p. 368.