TRAVALLONI FULGENTIUS

 

 

 

Travalloni Fr. Fulgentius de Montelparo, S. Theol. Mag., natus die 2 iunii. an. 1661, iam provectae aetatis, annos habens 25 nostrae Augustinianae Rel. se aggregavit, Eusebio nomine cum Fulgentio commutato. Optimo praestans ingenio, ac integritate morum fulgens, diversa ei ac difficiliora Ordinis negotia concredita fuerunt. Fuit enim conventus S. Augustini et S. Ioan. ad Carbonariam Visitator Gen., itemque Congregationis S. Ioan. ad Carbonariam Vicarius Gen., illamque rexit usque ad an. 1666, quo in patrium conventum, sese recepit, ibique mansit usque ad an. 1671 quo Picenae Provinciae praeficitur. An. 1679 electus fuit Procurator Generalis, et an. 1685 Prior Generalis Ord.

Hoc munere absoluto, Lauretum in ang. hospitium super verticem montis regalis situm se contulit, ubi die 30 iulii an. 1693, aetatis, suae 77 hujus vitae cursum confecit, ibique sepultus mansit. Exstant ad illius perpetuam sapientiae memoriam praeclara Decreta, quae pro recta totius Ordinis, ac variarum peculiarium provinciarum gubernatione edidit, quaeque typis impressa habentur praesertim ad Colcem nostrarum Const. edit. Matriti an. 1850. Alia Decreta pro felici Provinciae Siciliae ac Melitae regimine et observantia, Messanae, Typ. Dominici Costa, 1687, in 12; nec non alia Decreta, diei 15 oct. 1687, et 20 martii 1688, typ. impressa, quae asservantur Romae in Bibl. Angelica in cod. 230 (C. 2, 16), ff. 69-91. Item edita exstant in Analectis Aug. Vol. XII, pp. 6-58: Acta et Decreta Cap. Gener. an. 1685, in quo ipse Travalloni electus fuit Prior Generalis, item in Archivo Ordinis exstant eius Litterarum Regesta, Dd. 124 et seg. et alia.

 

 

 

Referenze:

Lanteri, Erem. Saecula sex, Part. I, p. 318-320