TRECCI DOMENICUS

 

 

 

Trecci Fr. Domenicus. Vicentinus, S. Theol. Bacc., alumnus Congr. nostrae Dalmatiae, dicitur ab Ossinger, p. 902, vir humanis litteris excultus et celebris poeta. An. 1614 tamquam Vicarius Generalis praedictae Congregationis interfuit Capitulo Gener. Romae celebrato, et tribus annis ante ediderat tragoediam, cui titulus: Cristo penoso e moriente. In Vicenza, 1611 in 4. Mentionem de illo facit Franc. Xaverius Quadrius in volumine Storia e ragione d'ogni poesia, Vol. III, p. 79.