TRIONFO AGOSTINO

 

 

 

Trionfo Fr. Augustinus, Anconitanus, excellentissimus Parisiensis doctor, ex nobili et vetusta Triumphorum prosapia, patre Benedicto, matre vero Ginevra de Bomplanis, an. 1240, Anconae, ex qua etiam cognomen accepit, feliciter ortum habuit. In puero quantus vir lateret, non difficile fuit praesagire. Id satis indicabant ingenii singularis promptitudo, et magna in Deum et parentes pietas. Hortante Ven. P. Guilelmo, materno eius avuculo, anno 18 aetatis ad Ordinem Augustinianum illustrandum accessit. Brevi philosophicas facultates in religione felici cursu pertransivit. Postea ad excolenda Sacrae Theologiae studia a Generali B. Lanfranco Septala admissus, praeceptores habuit insignes theologos Leonardum Viterbiensem et Iacobum Perusinum; in iisque statim tales progressus fecit, ut a B. Clemente Auximano, Lanfranci successore, destinatus fuerit cum B. Aegidio Columna ad Parisiense universale studium, ut inibi, aiunt nostrates historici, duos theologorum principes, D. Bonaventuram Balneoregiensem et D. Thomam Aquinatem audiret. Post non multum temporis ad munus docendi destinatus, scholas privatas apud nostrates et publicas in Sorbonica Universitate, magna discipulorum frequentia, sustinuit. Anno aetatis suae 34 Concilio Lugdunensi II, Gregorio X iubente, in locum D. Thomae Aquinatis, qui Fossaenovae in coenobio ad superos evolaverat, interfuit, cum Ecclesiae utilitate. Demum Patavium a Francisco Carrara Principe praedicationis causa vocatus, ibi nondum expleto 34 anno, libros de amore Spiritus Sancti, et de resurrectione mortuorum iam incoeptos, expolivit, atque absolvit. Aliqua insuper antea, dum Parisiis moraretur, edidit opera contra divinatores et fraticellorum ineptias Simoni de Brino Cardinali, postea Martino IV, Summo Pontifici, dicata. Patavii praeterea atque Venetiis summo cum plausu concionatus est an. 1277 et an. 1280 contra Porphyrium scripsit. Cum igitur lucida et celebris Triumphi fama non sulum in Gallia, sed in universa Italia quoque effulsisset, Carolus II, Neapolitanorum Rex, missis Anconam triremibus suis, Augustinum Neapolim vocavit; ibique ab eodem rege et Roberto filio, perhumaniter exceptus, Consiliis intimis adhibetur, qui saepe ad magnos Principes legatus missus, ardua negotia pertractavit, et ad felicem exitum feliciter perduxit. Eius consideratione idem Rex donavit S. Augustini Ecclesiae D. Lucae Evangelistae venerandum caput, tempore Generalium Ordinis Comitiorum, nempe an. 1300, iussitque ut aliqua monasteria in Calabria in Ordinis favorem edificarentur. In hoc memorato Neapolitano Capitulo statutum fuit ut Augustinus noster Parisios rediret atque inibi sententias legeret post Augustinum de Bergamo. Non constat praecise quando renuntiatus fuerit S. Theologiae Doctor. Neapolim reversus tum negotiis regiis tum consuetis studiis sedulo incubuit, numquam finem imponens quamplurimis ac pretiosis voluminibus elucubrandis. Inter alia omnes ingenii sui vires effudit in opus, quod de Ecclesiastica potestate Ioanni XXII dedicatum a pluribus viris eruditis miris iustisque praeconiis fuit cumulatum. Hoc opus adeo Pontifici pergratum evasit, ut hac de causa ei annuum subsidium de pecunia Camerae solvendum mandaret, ut liquet ex litteris eiusdem, die 28 ianuarii 1326, quas exhibet Denifle in Chart. Univ. Paris. T. II, p. 289. Nec solum scientia, verum etiam sanctimonia clarissimus fuit, atque ut notat Elssius, p. 89, "totus catholicus, totus in amore Dei succensus". Tandem amplissimus vir, de Ecclesia, de litteraria Republica, deque Augustiniano Instituto optime meritus, in coelum emigravit Neapoli, die 2 aprilis 1328, anno aetatis suae 88. In. eius epitaphio legitur: "Sanctus in vita et clarus in scientia: unde omnes debent sequi talem virum, qui fuit religionis speculum". Et revera fere ab omnibus scriptoribus Beatus fuit salutatus, et a doctissimo Cardinali Sfrondato in sua Gallia vindicata etiam sanctus appellatus. Concives vero sui Anconae statuam ei posuerunt et omnia eius opera, publico sumptu descripta, Bibliothecae Vaticanae donarunt. Innumeri sunt eius laudatores; sed nobis tantum liceat referre ea quae de illo scripsit Leoni in opere Ancona illustrata, T. I, p. 125: "Fu un religioso di santissima vita, conoscitore profondissimo delle Sacre Scritture, canonista insigne, teologo eccellentissimo, e tutt'insieme buon scrittore di quel tempo, ed uno di quegli autori che sorgono di rado, ma sorti una volta rendono cospicue le proprie famiglie, cospirano all'immortalità della patria, eternano se stessi". Opera quae seripsit sunt sequentia:

1. Summa de potestate ecclesiastica ad Ioannem XXII, pluries edita, videlicet; Augustae Vindelicorum, 1473, in 4; s. typis n. et an., in fol., chart. goth. 2 coll., 54 U. Extat in Bibl. v. St. Genevieve, n. 1017 (Cfr. Mattaire, n. 790; Hain, 958; Copinger, 413); Coloniae-Agrippinae, 1475, VII Ral. febr., in fol., chart. goth., ff. 384 et extat in British Museum, n. 476, (Cfr. Haim Copinger, n. 962); Romae in domo Francisci de Cinquinis apud S. Mariam de populo, an. 1479 in 4. char. goth., ff. 328, binis coll. (Cfr. Hain Copinger, n. 962); s. 1., a. et typ. n. in foll. (typ. Hermanni Liechtenstein, Cfr. Hain, n. 958); alia editio s. l. a. et typ. n. cum prologo ad Ambrosium de Cora Romanum (Cfr. Hain n. 959); Venetiis arte et ingenio Ioan. Leoviller de Hallis, impensis Octaviani Scoti Modoetiensis, 1487, XIII Kal. oct., in fol., 316 ff., 46 It., binis col. (Cfr Hain Copinger, n. 963); item Venetiis circa an. 1490, Temi e in fol., sed s. l., a. et typ. n.; Romae, apud Vincentium Accoltum an. 1582 in fol. edente Fr. Angelo Rocca, qui anno superiore e Venetiis a Fr. Augustino Fivizanio, Apostolici Sacrarii Praefecto, et Ordinis nostri Vicario Gen. Romam accersitus fuit ad hanc editionem curandam, quaeque prodiit cum B. Augustini Triumphi vera effigie, ac eiusdem vita conscripta ab ipsomet P. Augustino Fivizanio; et tandem Romae an. 1584, typ. Georgii Ferrari, cuius editionis nonnulla exemplaria sunt an. 1582 et alia an. 1585. Omnibus fere editionibus praeit epistola nuncupatoria Pauli Lulmei, Bergonensis, Fratris herem. S. August., Prioris monasterii S. Mariae de populo Urbis, Ambrosio Coriolano, vel Corano eiusdem, Ordinis Priori Gen., quam idcirco memoro ex eo quod in ea reliqua auctoris volumina memorantur. Opus inscribitur, ut iam vidimus, Ioannis Pp. XXII epistola: "Quamvis Dei Filius": Inc.: "Quia de potestate ecclesiastica tractare sermonem assumpsimus...". Argumentum tractat per quaestiones, quibus schismaticorum, Petri de Corbaria antipapae sectatorum, petulantiam retundit, et quae sunt 112, articulis 476 distributae. Earum 1a usque ad trigesimam quartam absolutam, constituit primam operis partem: 35 usque ad 75 an., partem alteram, "qua considerandum est de ipsa potestate ecclesiastica per comparationem ad actum ad quem ordinatur"; reliquae tertiam: "qua potestas Papae comparatur ad statum quem per talem potentiam homo consequitur". Reperitur hoc opus in omnibus fere bibliothecis etiam ms.: in Vaticana, cod. Vat. Lat. 4108, 4109, 934, 987, 938, saec. XIV et in fol.; in Bibl. Angelica Urbis, eod. 626 (2, 1, 13), chart. in fol., saec. XV, binis coll. cum littera initiali, auro et coloribus ornata, et icone ipsius B. Augustini, ut puto, librum rubeum in sinistra manu ferentis; et ibidem, cod. VI. AA. I. saec. XV, Venetiis in Bibl. ad S. Marci, codd. 5, 6, 7 classis VIII, saec. XV In fol., quorum codex 6 sine prologo epistolari Pauli Lulmei, et parte tertia mutata cum in ea agatur: De status perfectione, quam auctor tractationem excutit: De paupertate Christi et Apostolorum, illo aevo vividius agitatam; Parisiis in Bibl. Regia, cod. 4231, saec. XV non exaratus finit an. 1467, et in Bibl. quae dicitur de l'arsenal, cod. 688 (59 - j - L.), saec. XV ff. 319; Burdigalae in Bibl. publica, cod. 125, saec, XVI, ff. 233; Monachii in Bibl. Regia, Codd. 3759 et 3840, saec. XV, in fol. Reperiebatur insuper ms. Patavii in Bibl. Bessarionis (Cfr. Tomasini, p. 31 et 36); Oxoniae in Bibl. Merton. Vol. 113; Cantabrigiae in Bibl. Aulae Plubrochianae, Vol. 138; in Gallia in Bibl. Claromontana, v. Clèrmont Ferrand, Cod. 110 (114) saec. XV; in Bibl. publica Ruthen, v. de Rodez, cod. 35, saec. XV, ff. 588; tandem in Vallisotana et in aliis Bibliothecis.

2. In Orationem Dominicam tractatus, Romae an. 1587, typ. Vincentii Accolti in 4, e tenebris erutus et illustratus a P. Angelo Rocca, eiusdem Ordinis nostri, qui ibidem an. 1590 ms. asservatur in cod. Vat. Octob. 1780, et olim etiam ms. reperiebatur in Bibl. principali Ratisbonae ad S. Emmeramum, sed non in nostri bibl. conventus eiusdem civitatis scriptus per fr. Andream Kirnes in Vicbach, an. 1468. Extat et in Bibl. Angelica Urbis in cod. 689, saec. XVI, ff. 1-33.

3. Tractatus de laudibus Virginis gloriosae super Evangelium "missus est", s. l. a. et typ. nota (Lugduni, Sixtus Glockengresses c. a. 1484), goth., ff. 80, 2 coll., 34 U. in II. in 4. (Cfr. Hain n. 953; Copinger, n. 414 et Pellechet n. 620), rarissima editio, et asservatur in Vaticana, in British Museum, ac in Bibl. St. Génevieve, n. 122. Editus etiam fuit Romae an. 1590 et 1592, typ. Dominici Bassae cura et industria R. P. Mag. Angeli Rocca; nec non Matriti an. 1648 in Bibl. Mariana Petri de Alva. Ms. reperitur Monachii in bibl. Regia, cod, 3545, saec. XV, ff. 247 in 4; Cracoviae in bibl. Universitatis Iagellonicae in codd. 1570 et 2861, saec. XV in 4; Ratisbonae in Bibl. ad S. Emmeramum; Viennae in Bibl. Palatina inter codices homileticos n. 764, ff. 50, Romae in Angelica, cod. 689, ff. 79-170, scriptus per fr. Laurentium de Villamaena, 1527, sicut et ceteri tractatus, qui in hoc codice extant.

4. In salutationem et annuntiationem Angelicam deiparae praestitam, Commentarium. Lugduni an. 1506; Romae an. 1590 et 92 in 4, opera et studio R. P. Mag. Angeli Rocca, atque Matriti in Bibl. Mariana Petri de Alva, an. 1648. Hic commentarius asservatur ms. Venetiis in Bibl. S. Marci, cod. 62, saec. XV, a. 188, 1, 61 (L. III, CXL) Z. et inscribitur Tractatus super Ave Maria. Inc.: "Quantum mihi timorem et tremorem faciunt loquenti de Virgine Maria...". Capita octodecim quibus locutiones Virginis et Angeli exponuntur: fol. 67 legitur: "Explicit tractatus super Ave Maria fratris Augustini de Ancona, completus, in Sancta Maria de Nazaret (in insula S. Clementis) Venetiarum Dioecesis"; ff. 67-69 inest tabula titulorum. Asservatur etiam Romae in Bibl. Vat. Lat. cod. 938 saec. XIV, papir. inter ff. 246-278, ubi reperitur etiam tractatus super "missus est".

5. Tractatus in canticum "Magnificat". Lugduni, an. 1506; Romae, an. 1590 et 1592, typ. Dominici Bassae et curante praebendato P. Angelo Rocca, nec non Matriti an. 1648 in Bibl. Mar. Petri de Alva. Repenitur ms. in Bibl. Vat. Lat. cod. 938, chart. saec. XIV, ff. 378-297. Inc.: "Super illo verbo psalmi", et ibidem in sequenti cod. 939, papir. saec. XIV, ff. 1-31, in cuius fine habetur: Oratio ad Deum et Virginem: Item in Bibl. Communali Perusina sub n. 619 (L. 12) chart. saec. XV (a. 1477) ff. 63; Neapoli in Bibl. Nation., cod. E. 26, saec. XV; Romae in Angelica, cod. 689, ff. 34-78; Corpentoraete (Corpentus) in Gallia, cod. 24 (L. 25), saec. XV, una cum tractata Super missus est, e Super Ave Maria.

6. Postilla sive lectura in Evangelium S. Ioannis. Asservatur in Bibl. Vat. Urbinati, cod. 552, saec. XIV, pergam. in fol. in fine mutilo, nam hic commentarius hoc in codice abrumpitur cap. XI. Inc.: "In principio erat verbum etc. Quia Ioannes".

7. Expositio in Evangelium S. Matthaei. Asservatur ms. Romae in Bibl. Angelica cod. 399 (D. 3, 5), saec. XV, chart. in 8 maiori, ff. 207, olim conventus S. Augustini de Interamna, inc.: "Incipit prologus d.ni Aug. de Anchona super evangeliis Matthaei"; item in eadem Bibl. cod., 383 (D. 2, 15), chart. in 4. ff. 110 saec. XV, binis coll., tit.: "Incipit postilla magistri Aug. de Ancona super Matheum "Expl." Explicit lectura fratris Aug. super Matheum completa Veneciis (?) anno do. MCCCXXI". Sequitur tabula, in cuius calce haec adnotantur: "Expliciunt tituli quaestionum et dubitationum super Evangelio beati Mathei. Et scriptum istud opus ac completum per fratrem Angelum de Andria studentem in conventu Neapolitano sub anno de MCCCCXVIII, die quinta mensis septembris, XII Ind.". Item Perusiae in Bibl. Commun. Cod. 999 (M. 22) saec. XIII-XIV, membr. ff. 148, inibi proveniens e conventu S. Dominici de Perusio; Vindobonae in Palatina cod. 14447, inter codices Dogmaticos, n. 580, saec. XV sub tit. Commentaria in totum Evangelii D. Matthei; Pragae in Bibl. Universitatis, cod. 588, chart. in fol., saec. XIV-XV; ff. 213; Cracoviae in Bibl. Universitatis Iagellonicae cod. 1228 (AA. VI 16), saec. XIV, ff. 1-481, sub tit.: Lectura super Matheum cum quaestionibus; Avenione in Bibl. Publ., mss. 71-72, pergam. in fol. saec. XV, ff. 214 et 275, expl.: "Lectura fratris Augustini super Matheum, completa Veneciis. Deo gracias", et tandem olim in nostra Patavina (Cfr. Tomasini) p. 74) et in Bibl. Gothanu sive Friderici II in P. 47.

8. Lectura in Epistolas B. Pauli. Reperitur ms. in cod. 120 (B. 3, 14) Bibl. Angelicae Urbis, praevio indice quaestionum, chart. in fol., saec. XV, ff. 141, binis coll. cum littera initiali affabre depicta, per manus Ioannis de Austria conscripto. In cod. 224 (C. 1, 15) eiusdem Bibl., saec. XIV, in fol., binis coll., ff. 1, 309, habetur tantum: Lectura sive expositio super epistola S. Pauli ad Romanos, praevia tabula rerum alphabetica. Expositio super omnes D. Pauli epistolas fr. Augustini de Ancona asservatur ms. in Bibl. Vat. Lat. cod. 935. chart. in fol. saec. XV; item in Bibl. Vat. Lat. cod. 788, saec. XV, in fol., ff. 362 cum auctoris effigie; Burdigalae (Bordeaux) in Bibl. publica, cod. 38 saec. XV, pergam., ff. 271, binis coll., qui olim pertinebat ad nostrum conventum eiusdem civitatis.

9. Commentarius in Epistolas Canonicas (Iacobi, Petri, Ioannis, Iudae). Extat in cod. 224 (C. 1. 15) Bibl. Angelicae de Urbe, chart. in fol. infer ff. 310-370; item in Vat. Lat., cod. 935, saec. XIV, papir., in fol. inter ff. 145-191 habetur: Expositio in Epistolas Canonicas ,Iacobi, Petri 1 an. et 2 an., et Ioannis 1 an. et 2 an.; Venetiis in Bibl. S. Marci, cod. 111, membr. saec. XIV, a. 222, 1, 151 (L. 1, XLI) M. K. misc. idem opus inscribitur: Dubitationum (Quaestionum) super omnes Epistolas Canonicas (exceptis S. Pauli) glossatas ex glossis Sanctorum (Cfr. Valentinelli, Bibl, mss. ad S. Marci Venetiarum, Codd. mss. Lat., T. I, (1868), pp. 257-8); Parisiis in Bibl. de l'Arsenal. cod. 185, saec. XIV, in fol., ff. 87, binis coll., cui tit.: Postillae super Epistolis Catholicis. Inc.: "Honesto ac reverendo viro D.no Girardo Archidiacono Tolosano, nepoti illustris ac venerabilis viri Domini Gerardi de Parma, divina gratia episcopi Cardinalis, fr. Augustinus de Anchona...", in fine: "Amen. Explicit epistola Iudae"; Durocorti, e Reisus, in Bibl. publica, cod. 564 (F. 429) saec. XV, in fol., ff. 58-167, sub. tit.: Postillae super epistolis canonicis, et nuncupatur: "Remo ac ven. patri D.no Johanni Monachi, divina providentia beatorum martyrum Petri et Marcellini, presbytero dignissimo cardinali...". Inc.: "Quoniam secundum sanctorum doctrinam...".; Viennae in Austria in Bibl. Vindoboniana Palatina, cod. 120, saec. XIV, et cod. 1289, saec. XIV, inter ff. 60-139 cum tit.: Commentarius in Epistolas canonicas et ibidem in Bibl. facultatis Artium una cum glossis in Apocalypsim. Item Pragae in Bibl. Univers. cod. 976, saec. XV; Cracoviae in Bibl. Univers. Iagellonicae, cod. 1225 (AA. VI 19), saec. XIV; cod. 1227 (AA. VI 17), saec. XIV; cod. 1229 (A, aa. I, 6), ff. 208, saec. XV; et cod. 1464, atque tandem Landum in Bibl. Bobbiana, et habet Ossinger, p. 46: "Iacobus Honey scribit in supplemento Patrum p. 557, penes me habeo commentaria Augustini de Ancona in Epistolas Canonicas, quae fortassis prope diem evulgabo".

10. Catena in Epistolas Canonicas. Habetur in cod. Vat. Lat. 93g papir. in fol., ff. 1-57. Inc.: "In personae singularitate".

11. Expositio in Apocalypsim (Capita I-XXII). Inc.: "Expositor autem ponit quatuor dubitationes, quarum prima est super Prologo ipsius libri. Prima est utrum beatus Ioannes maiori scientia fuerit illustratus". Extat in Bibl. Vat. Urb. Lat., cod. 528, chart. in fol., saec. XVI, inter ff. 1-150; ibidem, cod. 531, perg. ff. 118, et inscribitur: Expositio loci Apocalypseos de Coelesti Jerusalem. Item Carpenctoracte, v. Corpentras in Bibl. publica, cod. 125 (L. 141), saec. XV, in fol., ff. 138-217); Taurini in Bibl. Universitatis, cod. 661 (E. III, 10) alias LXXIX d. V-23, membr., saec. XV, ff. 96 imaginibus auro variisquae coloribus pictis, sub tit.: Dubitationes super Apocalypsi; in fine legitur: "Explicit Apocalypsis glossatus ex glossis Sanctorum per fratrem Augustinum de Ancona ordinis herem. S. Augustini. Similem ms. codicem servari in Bibl. Oxoniensi affirmat Guilelmus Cave, p. 600, qui plura habet de eius auctore.

12. Catena Patrum super Apocalypsim. Asservatur ms. in cod. Vat. Lat. 936 inter ff. 57-152, et inc.: "Ioannis Evangelistae doctrina...". Olim stabat etiam, a nostrate Gandolfo acquisita, in nostra Ventimiliensi, et nunc forsan in Bibl. publica Genuensi.

13. Super Cantico Canticorum Fr. Augustini de Anchona. Cod. 1227. (AA. VI. 17), saec. XIV perg. in fol., inter ff. 1-257.

14. In libros Sententiarum Petri Lombardi Commentaria. Extant Carpentoncte (Carpentras) in Bibl. publica, in cod. 125 (L. 141, papir., binis coll., in fol. saec. XV, inter ff. 1-100. Inc.: "Iste liber Sententiarum dividitur in tres partes principales".

15. Tractatus confessionalis. Ibidem in eodem codice, inter ff. 100-130.

16. De Antichristo et mundi fine tractatus. Asservatur in Vat. et Urbinate in cod. 531, saec. XV, f. 112 et seqq.

17. Tractatus de Corpore Christi, in quo solvuntur obiectiones Sinagogae Iudaeorum. Extat in cod. 689 (Q. 4, 7) Bibl. Angelica Urbis, inter ff. 171-185, et inc.: "Vos christiani dicitis".

18. Tractatus seu Theoremata XL de resurrectione mortuorum, editus an. 1277, ut ad codicis caicem legitur, ubi est etiam theorematum index cum epistola dedicatoria ad Leonardum de Guercino Cardinaiem Albanensem: Cod. Vat. Urbinat. 555, papir., in fol., ff. 1-146. Aliud exemplar asservatur in Bibl. Angelica Urbis, cod. 79 (A. 7, 18), saec. XVI, ff. 129 et inc.: "Theorema p. m. futuram esse mortuorum omnium resurrectionem"; item in Bibl. Vat. Lat., cod. 936 inter ff. 152-178; item, teste Iacobo Philippo Tomasini in suis Bibliothecis Patavinis, asservabatur hic tractatus scriptus an. 1439, in Bibl. S. Antonii Patavii; tandem aliud exemplar extat in cod. 65 Bibl. Universitatis Pragensis, et etiam in Bibl. Ambrosiana.

19. Tractatus de Amore Spiritus Sancti in 4 Theoremata distinctus, et fuit editus an. 1278, ut in eius calce dicitur, in eodem cod. Vat. Urbe 555, ff. 147-368. Inc.: "Domine Iesu Christe, qui dixisti Apostolis tuis, petite et accipietis". Asservatur etiam Florentiae in Bibl. Laurentiana Plut. XIII, cod. XV, saec. XIV inter ff. 178-256, nec non in cit. codice n. 65 Bibl. Universitatis Regensis.

20. Flores B. Augustini, seu Milleloquium ex scriptis S. Augustini, auctore Augustino Anconitano, et primo quidem ex libris XXII de Civitate Dei. Asservantur Florentiae in Bibl. Laurentiana Plut. XIII, cod. XV, chart., saec. XIV, in 4 inter ff. 1-178. Hoc opus incoeptum ab Augustino Triumpho absolutum fuit a Barthol. de Urbino, eiusdem Ord. nostri atque editum Lugduni 1555.

21. Contra divinatores et somniatores tractatus. Extat in Bibl. Vat. Lat., cod. 939 inter ff. 31-47, et in Vat. Urbin. in cod. 528, f. 150 et seqq. Hic tractatus est contra omnem divinandi artem somnis, figuris, characteribus, cedulis scriptis, incantationibus, observationibus dierum, auguriis, indicio astrorum etc. sive contra coniectatores, magos, augures, negromanticos, sortilegos, geomanticos, incantatores etc. Scriptus atque editus fuit iubente Clemente IV Pont. Max. atque inc.: "Quoniam sicut tempore anteacto, et nunc nonnulli insurgunt...". Asservatur etiam Viennae in Bibl. Palatina, in cod. 415, f. 231 et seqq., et hic codex ad Augustinianos Ratisbonenses pertinebat, fuitque scriptus saec. XV a Fr. Ioanne de Recz (Austriae oppido) S. Theol. profess. eiusdem Ord. nostri. Hic tractatus editus fuit a R. Schole in Un bekannt Kircklupo politiscke Streitsclzrtften. Rom. Loescher, p. 481 et seqq.

22. De duplici potestate Praelatorum quaestio. An omnis potestas sit derivata a Christo in omnes Apostolos mediante Petro et in omnes praelatos mediante Papa? Extat in cod. Vat. Lat. 939 inter ff. 49-53. Inc.: "Quem Isaia Propheta..."; et in cod. 4046, ff. 30-22, Bibl. Nation. Parisien.

23. Quaestio de potestate Collegii mortuo Papa. Extat in praefato cod. Vat. 439, inter ff. 53-58, et in cod. 4041, ff. 32-34, Bibl. Nation. Parisien.

24. Tractatus contra articulos inventos ad diffamandum Bonifatium Pp. VII. Asservatur in Bibl. Nationali Parisien. ms. lat. 4046, ff. 19-28. Hoc in tractatu auctor asserit quod nullus doctorum in sacra pagina Bonifatium de haeresi accusare ausus sit, et editus fuit a Finke, Aus den Tagen Bonifaz. VIII, II Quellen, LXIX et seqq.

25. Tractatus brevis super pacto Templariorum. Cod. Bibl. Vat. Lat. 939, ff. 47-49, et cod. Bibl. Nation. Parisiensis ms. lat. 4046, f. 29, sine auctoris nomine. Agit ille hoc in tractatu an Reges et Principes saeculares possint haereticos iudicare, et de haeresi inquirere, ac de crimine haeresis convictos, proprio iudicio condemnare sine Ecclesiae requisitione. Auctor tenet sententiam negativam. Hic tractatus, sicut et alii praecedentes, editus fuit a Rich. Scholtz: Die Publizistik zur Zeit Philipps des Schünen un Bonifaz VIII in Kirchenrechtliche Abhandlungen her. von Urich Stutz. Stuttgart, Encke, 1903.

26. Tractatus de ortu sive statu Imperii seu Regni Romanorum. Extat in cod. Bibl. Angelicae Urbis 739 (Q. 5, 15) saec. XV, haud italica manu, ff. 1-27. Item in cod. 4046 Bibl. Nation. Parisien. ff. 34-36 et in cod. Vat. Lat. 939, atque editus a R. Scholtz. Inc. prologus: "Consedentibus et colloquentibus mecum...", et constat XXV cap. Latuit Ossingerum in catalogo operum eiusdem Triumphi, Bibl. August. p. 45.

27. Tractatus de Sacerdotio et regno. Extat in eodem cod. 739 (Q. 5; 15) Bibl. Angelicae inter ff. 48-93. Huius meminit Ludovicus Iacob a S. Carolo, Bibliotheca Pontificia, Lugduni, 1643, p. 272, his verbis: "De Sacerdotio et regno, ac donatione Contantini Imperatoris".

28. Collationes pro defunctis. Exstat in cod. 158 (A. 6, 11) Bibl. Angelicae intra ff. 154-162.

29. De introitu in terram promissionis.

30. Expositio Passionis Domini nostri Ihesu Xristi edita a Rev. magistro S. Theol. Augustino de Ancona (sed non completa). Extat in cod. 1570 miscell. Bibl. Univ. Iagellonicae Cracoviensis.

31. Fr. Augustini de Ancona super Quadragesimam. Cod. 1449 (CC. V 20) papir. saec XV eiusdem Bibl. Iagellonicae, inter ff. 122-476.

32. Sermones Dominicales ad Clerum per circu1um anni. Sunt 74 sermones incipientes a prima Dominica Adventus usque ad Dominicam XXIV post Pentecosten, et extant in cod. Vat. Urbin. Lat. 553, saec. XVI ex., chart. in fol., ff. III-1 493. Extant insuper in Bibl. Angelica Urbis in cod. 158 (A. 6, 11) membr. saec. XIV, inter ff. 1-73. Auctoris nomen hic fuit abrasum, rescriptum est recentiori manu, cum feliciter abrasor fol. 73 illud non animadvertisset.

33. Sermones de Sanctis ad Clerum per circulum anni. Extant in eodem cod. 158 (A. 6, 11), inter ff. 74-153, et in cod. Vat. Urbis. 554, in duas partes divisi, in fol., ff. 1-228 pars prior, ff. 229-468 altera pars. Sunt 86 Sermones incipientes a S. Andrea Apostolo et expliciunt cum sermone habito in festo S. Catharinae v. et m. Cfr. Stornaiolo, Codd. Urb. Lat., T. II, p. 52, et Narducci, Catal. Codd. mss. BibI. Angelicae (1892) T. I, p. 84.

34. Sermones varii. Extant in cod. 689 (Q. 4, 7) Bibl. Angelicae Urbis, ff. 186-284 a Fr. Laurentio de Villa-Magra, praedicatore pauperculo transcripti "an. 1527, in loco capituli, in quo anno fuerunt locuste, pestilentie, bella et fames quasi per totam Italiam...", inter quos sermones habentur etiam eiusdem Augustini Triumphi: a) De fortuna, pulchra declaratio, f. 186-187; b) Expositio Evangelii de suscitatione Lazari, ff. 189-199; d) De munditia sacerdotum et ministrorum altaris, ff. 243-245; e) Proemium passionis Xsti, ff. 276-277. Hi sermones varii, teste nostrate Gandolfo, p. 84 olim asservabantur mss. in 4 in nostra Bibl. ad S. Marcum Mediolani.

35. Quaestionum librorum priorum (Aristotelis) expositiones libri II, quorum primus habet quaestiones 194, alter vero quaestiones 124. Index titulorum occurrit in fine. Extant Venetiis in Bibl. ad S. Marcum cod. 41 a. 350, I, 244 (Z. L. DXXVIII), memb. saec. XIV, ff. 93, quorum primus cum littera tituli initialis auctoris imaginem referens inscribitur fratri Conrado eiusdem Ordinis, filio nobilis et sapientis viri domini Guidonis de Montefeltro. (Cfr. Valentinelli, Cat. mss, Bibl. S. Marci Venetiarum, T. IV, p. 28). Item in eadem Bibl., Scriptum, seu, expositio analyticorum priorum Aristotelis, cod. 42 (Philosophia), chart. saec. XV, a. 429, I, 291 (L. VI LIV) Ma., ff. 112. Aliud hujus operis exemplar extat in cod. 1226 (AA. VI 20), membr., saec. XIV, ff. 206, Bibl. Universitatis Iagellonicae Cracoviensis; similiter Romae in Bibl. Angelica, cod. 199 (B. 8, 3), membr. in fol. saec. XIV, ff. 76, binis coll., et iuxta Ossingerum p. 47 aliud exemplar saec. XIV, membr. extabat Ratisbonae in Bibl. principali ad S. Emmeremum. Praefatus autem Conradus, nostri Ordinis alumnus, Guidonis Montis Feltrani Ducis filius, electus episcopus Urbini an. 1309 (Cfr. Torelli, Sacr. August. Parte I, p. 196), alius est a Conrado de Monte Puellarum, qui vixit an. 1390, de quo Ossinger III, p. 984.

36. Quaestiones in physica Aristotelis, quae asservantur in cod. DXXVIII Bibl. S. Marci Venetiarum, membr. saec. XIV, in fol., ff. 93.

37. Commentaria super 12 libros Metaphysicorum.

38. De cognitione et potentiis animae. Bononiae, typ. Ioannis Iacobi de Benedictis an. 1503 in 4. Hic tractatus excerptus est ex eiusdem libro de Metaphysica, et asservatur ms. sub tit.: De potentiis animae in cod. 258 Bibl. S. Michaelis Venetiarum, membr. saec. XIV, in 4, et in codd. 65 ac 460, ff. 187-217 Bibl. Univensitatis Pragensis sub tit. De cognitione animae et potentiarum eius, nec non in cod. Vat. Lat. 3058 sub tit.: Tractatus de Potentia. Assenvabatur etiam in nostra bibl. Patavina sub tit.: Tractatus de Cognitione animae et personarum, incipiens: "Quoniam summam phil. sententiam" et erat in fol. membr.; item in nostra Monachii, et in eius fine legebatur: "Ad laudem et honorem SS. Martyrum Tiburtii et Valeriani completum est hoc opus scriptum per me fr. Ioannem de Franconia, in 4 completum per eximium doctorem P. Mag. Augustinum de Ancona.

39. Tractatus super praedicatione generis et speciei. Bononiae, typ. Ioan. Iacobi de Benedictis, 1503 in 4. Ms. asservatur in cod. Vat. Lat. 2141.

40. Quodlibeta; quae Parisiis publice defendit.

41. Destructio Arboris Porphyrianae. Hoc opus auctor absolvit, ut legitur in eius fine, Anconae an. 1280, et P. Augustinus Placentinus Lector eiusdem Ordinis nostri, dicavit Comiti Marco Antonio Landi, typisque mandavit Bononiae per Ioannem Iacobum de Benedictis, an. 1503, in 4.

42. Novella super V et VI decretalium. Papiae, 1484. (Cfr. Mattaire Michaelem in Annalibus typographicis, T. I, Part. II, p. 457). Ms. asservatur in cod. Vat. Lat. 4108, et in Bibl. Canonicorum Lateranensium S. Ioannis in Viridario, Patavii teste lac. Philippo Tomasini in Bibliothecis Patavinis Mss. p. 31.

43. Expositio Decretalis Firmiter, seu, De duabus naturis in persona Christi, figuratis in arca Noe, ad Joannem Rectorem Ecclesiae Varadinensis in Ungaria, cura et studio Fr. Augustini Piacentini. Bononiae, typ. Ioan. Iacobi de Benedictis, 1508, in 4.

44. Commentaria in Ezechielem Prophetam. Asservabatur Florentiae ad S. Spiritus.

45. Commentaria seu Postillae in Evangelistas Marcum et Lucam.

46. Commentaria in Acta Apostolorum.

47. Catena Patrum in Acta Apostolorum.

48. Liber de praedestinatione, praescientia et libero arbitrio.

49. Liber de cantico spirituali sive de decem chordis.

50. Liber de consolatione Animarum Beatorum.

51. Liber de thesauro Ecclesiae.

52. Tabula seu Index moralium S. Gregorii, quae mss. iuxta nostratem Gratianum, p. 38, olim asservabatur Mediolani in Bibl. nostri conventus ad S. Marcum.

 

 

Referenze:

Praeter citatos Cfr. Herrera, Alphabetum August. T. I, p. 8; Torelli, Sec. Agost,. T. V, p. 447; Elssium, p. 89; Curtium, p. 129; Gandolfum, p. 81; Ossinger, pp. 44-49; Fabricium-Mansi (Florentiae, 1858) T. I, p. 143, 289; Hurter, Nomencl. Lit., T. IV (1899) p. 494; Denifle, Chart. Paris., T. II, p. 102, 127; Bellarmino-Labre, Script. Eccl., (1728), p. 466; Brunet, Manuel (1860) T. I, p. 568; Budinszky, Univ. Paris (1876), p. 183; Gave, Script. Eccl. (1745) T. II, p. 333; Colonia, Hist. Litt. (Lyon, 1730) T. p. 406; Hain, Rep. bibl. (1826) T. n. 958, 963; Copinyer, Suppl. to Hain (1898), T. II, 1, 413-414; Dupin, B. A. E. (1701) T. XIV, 212; Evers C. in E. p. T. XVI, p. 54 n. 6; Graesse, Trésor (867) T. I, p. 116, 256; T. VI, part. II, p. 205; Iöcher, T. IV, p. 1330; Le Long, Bibl. Sacra, T. II, p. 994; Tiraboschi, St. Lett. d'It. (1806) T. IV, part. I, p. 145-7; Ouden, S. E. (1722), T. III, p. 599-601; Pétin, Dict. agiog. T. II, p. 1365; Ciacconius, Bibliotheca, (Parisiis, 1731) 109-111; Londini, Cat. codd. Lat. Bibl. Laurentianae, T. I, p. 56; Narducci, Cat. mss. Bibl. Angelicae Urbis, p. 28, 84, 119, 127, 185, 192, 260, 293, 306; Hagelmann Herm. in Kirchlex., T. I, p. 1692 - 4; Sculte, Gesch. Can. Rechts (T. II, p. 193 - 5; Perini, Augustiniani Script., T. I, p. 80, 87; Ugonem Mariani, Script. politici medioevali in Giornale Dantesco, Vol. XXVIII p. 2 et seqq. et Vol. XXIX, pp. 15-26; Lanteri, Postr. Saec. Sex R. A. (1850) T. I, p. 77; R. Scholz, Die Publizisti zur Zeit Philippis des Schönen und Bonifaz VIII in Kirchenrechthiche (1903); Berault-Bercastel, St. del Cristianesimo, Vol. XV, 391; Augustinum Fivizzanium, Vita B. August. Triumphi praefixa Summae de Pot. Eccl. eiusd. Triumphi, edita Romae an. 1582 de qua supra; Vitam eiusdem Aug. Triumphi quae legitur in calce exemplaris praedictae Summae editae an. 1582 existentis in Bibl. Angelica sub. N. 7, 12; Leoni, Ancona illustrata, T. I, p. 152, qui citat opusculum: Memorie storico-critiche della vita e degli Atti del B. Agost. Trionfi d'Ancona - Disertazione edita in Ancona, presso la Società Palmini, 1810 et alios quamplurimas. Tandem in codd. Archivii Vat. Politicorum 32, p. 445 et seq. atque 37, p. 489 et seq. (nunc autem in Vaticana) reperitur epistola Ioannis Baptistae Triumphi ad Rev. P. Fr. Alphonsum Ciacon, virum singularis eruditionis et pietatis, dat. Romae, idibus Augusti 1581, qua summas laudes Augustino nostro auctor tribuit, omnique 1aude ipsum Ciaconium cumulat cum posuerit in suo Atheneo Augusto Augustini Anconitani imaginem Beatorum aureola redimitam