TUCCITTO APOLLONIUS

 

 

 

Tuccitto Fr. Apollonius, alias a SS.ma Trinitate vocatus, Cammaratensis, e Congr. Discalceatorum Ord. S. Aug. Italiae, natus est die 20 Decembris 1619, Ordinis habitum accepit 27 Augusti 1634 et solemnem emisit professionem Panormi die 21 Decembris 1635. Absoluto studiorum curriculo, triennium Philosophiam, novennium scholasticam Theologiam sodales suos docuit. Prioris munere, Panormitanum S. Gregorii, et Cammaratense Coenobium rexit: Panormitanae Provinciae praefuit, et Ioannis Lozani Archiepiscopi Panormitani fuit a consiliis atque a confessionibus, et Romae in Comitiis Generalibus suae Discalceatorum Congregationis Vicarius Generalis renuntiatus fuit. Decessit Panormii die 9 octobris 1685. Ad aliorum preces scripsit et edidit italice Esaminatorio, o modo di confessione per farsi con puntualità e speditamente. Post alias editiones prodiit Panormii apud Gramignanum, 1702 in 12. Reliquit ms. De Rethoricae praeceptis.

 

 

 

Referenze:

Mangitore in Biblioth. Sicula, T. I, p. 76