ULEANA IOANNES GREGORIUS

 

 

 

Uleana Fr. Ioannes Gregorius a Iesu Maria, nobili genere in Calabria ortus, at ex longa mora in Partenopea civitate Neapolitanus nuncupatus, dicitur ab Ossinger in Bibiotheca Augustiniana p. 465 "vir omni liberali doctrina peritissimus. Is tum litteris tum virtutibus et muneribus feliciter initis nostratum Discalceatorum Italiae Congregationem, in qua professionem emiserat, saec. XVII illustravit". Licet multis muneribus, inquit de illo Tani (Commentaria Episcop. et scriptorum Ord. Erem. Discalc. S. Patr. Aug. Romae 1881 p. 115), illum Congregatio decorarit, tamen hilari semper et humili vultu cunctis ac praecipue infirmis aderat, nullum pro illis laborem, nullum opus et officium recusabat. Immo etsi Theologiae scholasticae ac moralis lectio extitisset, numquam tamen a precibus vel matutinis vel aliis horis persolvendis abfuit. Theologus de Propaganda Fide fuit, et an. 1656 Proc. Gen. Obdormivit in Domino in coenobio S. M. Incoronatae Neritonensi an. 1670 dum Definitoris Generalis munere pie ac laudabiliter fungebatur. Patria lingua in lucem dedit:

1. Letture sopra il Passio di S. Giovanni. Bologna, per Carlo Zenero 1645, Vol. I, in 4.

2. Ultima scuola di sottigliezza cristiana fatta nel Calvario da Gesù nella Cattedra della Croce, divisa in sette letture, con sette parole interpretate nel Duomo di Milano, Napoli, presso Camillo Cavalli, 1651, Vol. II, in 4.

3. Divinità ed innocenza di G. C. manifestata nel Tribunale di Pilato, Roma per Francesco Moneta, 1661, in fol.; Messina per gli eredi di Pietro Brea, 1656, in 4.

4. La pratica di ben morire. Napoli, 652; Roma, presso il Mascardi, 1609 in 12.

5. Divinità ed innocenza di Gesù Cristo manifestata nella sua passione e dichiarata in 77 lezioni nella chiesa di S. Petronio a Bologna. Roma, 1656 et Neapoli, per Gio. Francesco Paci, 1704, Vol. II, in qua dicitur: dichiarata in 194 lettioni, quae quidem puto complecti debere: Orto di Getsemani parte prima delle lettioni sopra il Passio di S. Giovanni, Roma, per Francesco Moneta, 1659, Vol. II, in fol. Tribunale di Caifas, Parte terza, Roncillone, 1658, Vol. I, in fol. et alia quae apud bibliopolam Bocca in suis catalogis exhibuit emptoribus et praesertim in quodam catalogo ubi legitur: Gregorio di Gesù e Maria (Proc. degli Agost. Scalzi) Divinità ed innocenza di Gesù Cristo. Orto di Getsemani, Tribunale d'Anna, Tribunale di Caifas, Calvario, Roma, 1660, Vol. III, in fol. perg.

6. De ultimo instanti hominis, et primo instanti animae a corpore separatae, de his quae fiunt illo instanti, et praesertim de Iudicio particulari. Neapoli, 1669. 

 

 

 

Referenze:

Lanteri, Postr. Saec. Sex Relig. Aug., Vol. III, p. 440, et Lopez in Additamentis ad Crusen. Monasticon, Vol. II, p. 235 nec non Bocca Silvius romanus, Catal. VII, N. 465, Catal. IX, N. 964; Catal. 238, et Catal. 229, N. 222