de Urbino Augustinus

 

 

 

de Urbino Fr. Augustinus, floruit saec. XIV, et claruit eloquentia pergami, cuius hahetur: Opus de pugna spirituali, ut ex subscriptione, quae est in fine p. 188 eruitur, Fratris Augustini de Urbino Ordinis fratrum Eremitarum Sancti Augustini Episcopi, et Sanctae Ecclesiae Doctoris Egregii. Constat sermonibus quadragesimalibus quorum primus inc.: "Dixit Iesus discipulis suis, quum ieiunatis etc. Quamvis tota vita nostra etc.". Opus hoc desinit Sermone ad illa verba: "Egressus Iesus trans torrentem Cedron". In fine p. 181 occurrit tabula alphabetico ordine digesta eorum, quae in opere pertractantur. Asservatur Florentiae in Bibl. Laurentiana, Plut. XX, cod. XXX, paginae in 4 minori saec. XIV, intricatae scripturae, et constat ff. 188, sed opus de pugna spirituali est inter ff. 117-188. Aliud exemplar extat in eadem Bibl., Plut. XX cod. XXXIV, chart. in 4 minori saec. XV, inter ff. 27-84, intricatis Litteris exaratum. Inc.: Sermones quadragesimales de spirituali pugna. Des.: "eram enim parvus scholaris, et non praedicator, quando ad recreationem animi haec scripsi". Sermo primus inc.: "Dixit Iesus discipulis suis: quum ieiunatis, etc. Quamvis tota vita nostra, dum sumus in via, sit in continua pugna...".

Ultimus des. in verba: "de eius visione omne gaudium, exultatio, laetitia, et bonum habetur" dein sequitur: "Explicit istud quadragesimale per me fratrem Ivonem Alacri studentem indignum in conventu Florentiae anno Domini 1459 in aura diei festi S. Barbarae Virginis etc. Tertium exemplar asservatur in Bibl. Burdigalensi (v. de Bordeana) in cod. 135, inter ff. 63-107 et inscribitur: Tractatus de pugna spirituali super totam quadragesimam. Inc. "Dixit Ihesus discipulis suis: Cum ieiunatis ... f. 107. Explicit tabula de pugna spirituali fratris Augustini de Urbino, Ordinis Heremitarum S. Augustini.