VANZI ANGELUS

 

 

 

Vanzi Fr. Angelus, Ariminensis, S. Theol. Doctor, floruit saec. XVII inter viros suae aetatis doctissimos, ac celebris evasit tam propter sua ipsius quam aliorum scripta eius cura et studio in lucem producta et edita. An. 1614 interfuit Capitulo Gen. Romae celebrato tamquam Discretus suae Romandiolae provinciae, et in eo eidem provinciae praeficitur. Illum videtur vitam egisse usque ad an. 1646. Sequentia ab eo edita fuerunt opera:

1. Tractatus de imprestantiis Venetorum et de usura Mag. Fr. Gregorii Animinensis O. E. S. A., Arimini, 1622.

2. Disciplina clericorum, ecclesiasticis, praesertim vero animarum curatoribus pernecessaria.. Bononiae, 1623, Vol. I, in 4.

3. Tractatus Mag. Fr. Alexandri de S. Elpidio O. E. S. A., de Ecclesiastica potestate. Arimini, 1624.

4. De humani corporis formatione Domini Aegidii Columnae, Romani, Fundatissimi Doctoris Ord. etc. opus sane peregregium; Philosophis, praesertim vero medicis necessarium. Nova hac impressione repurgatum, ac multo magis illustratum, per R.. P. M. F. Angelum Vancium, Ariminensem, Augustinianum, ad Ill. ac. R. P. M. Iacobum De Robertis, civem bononiensem eiusdem Ord. Aemiliae Provinciae Praesulem dignissimum. Arimini apud Io. Simbenium, 1626, in 4.

5. Petri de Aragon O. E. S. A. Commentaria in secundam secundae Divi Thomae de fide, spe, et charitate studio Aug. Vantii Ariminensis, nunc primum exposita et in lucem edita. Venetiis, apud Io. Guerrilium, 1625 in fol.

6. Tractatus de cambiis Mag. Fr. Fabiani Ianuensis Augustiniani, Bononiae, 1626, in 4.

7. Iusta defensio pro sermonibus S. Augustini ad fratres suos in Eremo constitutos. Patavii, 1627, Vol. I, in 4. Postea haec defensio renovata et aucta atque iterum a Vantio elaborata, secundo prodiit Arimini per Simbenium, 1646, in 4.

8. Liber quodlibetorum de quaestionibus philosophicis et theologicis: De usuris, restitutionibus etc. Magistri Gerardi Senensis. Caesenae, 1630.

9. Discursus circa decem praecepta Decalogi. Bononiae.

10. Discursus quomodo bona fama restituenda sit.

11. Discursus pro regularium defendendis privilegiis. Caesenae, 1630.

12. Liber de ratione status.

13. Schola spiritualis, ut Christianus bene vivat et bene moriatur.

14. Accademia Cristiana spirituale e temporale. Parte prima. Rimini, 1636 et 1646, Vol. in fol., Part. II, Patavii 1641; sive ut habet Ossinger, p. 192, Brevis animadversio de universorum hominum ex ipso iure originis naturalis subiectione temporalium principum laicorum potestati qualis sit, et quam late pateat contra Marcum Antonium de Dominis Archiepiscopum Spalatensem haereticum.

15. Notabilia pro nova impressione Gregorii Ariminensis ad usum modernum.

16. Patrocinium pro tota Religione Augustiniana, contra impugnantes eius originem et continuationem.

 

 

Referenze:

Elssius, p. 65; Ossinger, p. 912; Lanteri, Vol. III, p. 123; et Hurter, Nomencl. Litt., T. III, (1907) col. 946