VENETUS PAULUS

 

 

 

Venetus Fr. Paulus, S. Theol. Mag., communiter neotericus dictus, ut a celeberrimo eiusdem nominis Augustiniano doctore cognomine Nicoletti secernatur, floruit saec. XVII ineunte. Exorta anno 1606 inter Sedem Apostolicam et Rempublicam tam gravi dissensione, ut Veneti non tantum excommunicationi, verum etiam interdicto subiecti fuerint, cum plurimis ex nostratibus Venetiis discessit, atque ad Pisanum coenobium se contulit. Anno 1614 erat Studiorum moderarator inibi eoque munere annis quamplurimis functus est. An. 1625 erat in Urbe Studiorum Regens. Nescimus quando ex hac vita migraverit. Cum esset Pisis, contra concives suos pro tuenda Pontificis auctoritate calamum strinxit, evulgavitque librum de Pontificia potestate, cui titulus: Dialogia tra i Signori della Republica e Senato di Venetia per Fra Paolo Veneto dell'Ord. di S. Agostino, Bologna 1606, in 4.

 

 

 

Referenze:

Lanteri, Post. Saec. Sex R. A, Vol. II, p. 440; Analecta Aug., Vol. X, pp. 315, 323, 434, et catalogus, 47, n. 95 bibiopolae Romani Aureli