de VENETIIS PHILIPPUS

 

 

 

de Venetiis Fr. Philippus, inter celebres Ordinis Augustiniani theologos a Iosepho Pamphilo f. 85, et Possevino, T. II, Apparatus p. 280 sub. an. 1460 et aliis auctoribus recensetur. In Regestis Ordinis an. 1421 die 4 decembris Prior Generalis Philippo assignat lecturam Sententiarum in Episcopatu Patavino post P. Ioannem Rochum de Papia. Die 19 aprilis an. 1423 in Capitulo provinciae Marchiae Tarvisinae secundus locus ei datur; die 22 erat in Universitate Patavina de proximo magistrandus, et die 12 iulii conventus Venetiarum Regens instituitur. Die 27 iunii 1426 designatur Vicarius Generalis provinciae Tarvisinae quousque M. Nicolaus de Teramo a provincialatu absolveretur. Anno 1427 comitiis in conventu Vicentino in festo Pentecostes celebratis Provincialis eligitur. In eo munere durabat die 22 ianuarii an. 1428, et die 27 decembris an. 1434 illi conceditur dilatio synodi usque ad annum 1437; sed post hunc annum nulla illius, aut alterius Philippi Veneti mentio in Regestis. Nihilominus Pamphilus et alii eum an. 1460 asserunt decessisse, et in Ecclesia S. Stephani, quidam addunt, iacere cum hoc elogio: "D. O. M. / Philippo Veneto Ordin. Erem. S. Augustini / Magno theologo ac celeberrimo concionatori / Fr. M. P.". Ita ex Herrera, T. II, p. 181. Lucubravit librum cui tit.:

1. Estote parati, quia qua hora non putatis filius hominis veniet. Insuper ex eius calamo prodierunt:

2. Libri duo Orationum lingua latino et italica.

 

 

 

Referenze:

Gratianus, p. 157; Elssius, p. 589, Torelli, T. VII, p. 98; Ossinger, p. 925 et Lanteri, Post. Saec. Sex R. A., Vol. II, p.188