VITALE MICHAEL ANGELUS

 

 

 

Vitale Fr. Michael Angelus piis ingenuisque parentibus Aloysio Vitale et Rosa Cavallaro in Faibano Nolano natus est die 10 Ianuarii 1819. Maturo tempore ordinem nostrum ingressus ac in sacris constitutus ingenii sui clarum testimonium praebuit. Studiorum Regens effectus, tum Tolentini tum Lucae et Florentiae sacras disciplinas docuit. Magno cum fidelium fructu et concursu conciones quadragesimales Pisis, Senis, Mutinae, Arceviae, Mathelicae, Liciis, Capuae, Aversae et in aliis insignibus Italiae civitatibus habuit. Romae in Ecclesia S. Augustini anno 1870, una die, habuit auditores septem episcopos. Archiepiscopus Campanus Franciscus Xaverius Apuzzo, sub die 7 Aprilis 1874, post quadragesimalem praedicationem a P. Magistro Vitale peractam in eius metropolitana Basilica testatus est ipsum quotidie Verbum Dei praedicasse ex lege evangelica: puritate doctrinae, et fecunditate eloquii, frequentium auditorum mentes erudivisse; ac opere et sermone potentem, Christianas virtutes et pietatem in populo; plena cordis letitia, laudabiliter promovisse". In oppido, ubi natus erat, die 19 Aprilis an. 1898 ex vita migravit. Reliquit varia mss. quae extat apud suos, et sunt:

1. La grandezza dell'anima, opus morale.

2. Le tre ore di Agonia e la Desolata.

3. Orazioni panegiriche, Vol. I.

4. Prediche Quaresimali.