XUEREB DIONYSIUS

 

 

 

Xuereb Fr. Dionysius, Melitensis ortum habuit Vallettae an. 1831. Decimum sextum annum agens in coenobio S. Marci Notabilis habitum divi Augustini suscepit. Ratione inde Studiorum Tolentinum prius mittitur, Romam postea vocatur. Sufficienti ingenio praeditus, ac regularem vitam amans, studio impense incubuit, iniuncta sibi munera adimplevit, ac ut bonus evaderet concionator, non parum laboris impendit iuxta illud: qui cupit optatam cursu contingere metam multa tulit, fecitque puer, sudavit et alsit. Praedicavit igitur in pluribus Italiae civitatibus, Philosophiae Lector evasit, ac sexagenario maior, Melitae mortuus est. Reliquit Panegirico del SS.mo Corporale che si venera in Orvieto, detto in questa cattedrale nella Quaresima del 1867. Orvieto, Typ. Tosini 1867 in 8, p. 16. Dicavit opusculum R.mo Episcopo Melitensi P. Cajetano Pace-Forno nostri eiusdem Ordinis. Est in Bibliotheca hujus Collegii S. M. Monicae in Misc. KK. 6 15.