BILLERI PAULUS

 

 

 

Billeri Fr. Paulus, S. Theol. Mag. haud spernendus orator, philosophus, historicus nec non iurisconsultus, Pisis die 25 Octobris an. 1838 primam aspexit lucem. In regenerationis fonte Palmirus vocatus, palmam in bonis studiis tum in Patria cum in Urbe, qua celebrem audivit Audisio, in seminariis obtinuit, usque dum in theologia et in iure utroque fuerit laureatus. Sacris initiatus, divinam litavit hostiam die 21 Sept. 1861, ac inde Pisarum Ecclesiae Cathedralis canonicus theologus renuntiatus fuit. Anno 1883 inter nostrates Romanae Provinciae adscitus, nomen Pauli in memoriam nostratis Rev.mi Pisarum Archiepiscopi Pauli Micallef sumpsit, religiosam emittens professionem in Collegio S. Monicae Urbis die 1 nov. 1884. Ecclesiasticam inde historiam et jus canonicum diu, in eodem collegio, nostram docuit iuventutem, studiorumque pro-praefecti functus est munere. Ob eius iurisperitiam inter S. R. Congregationis Concilii Consultores fuit adscriptus. Inde Hetruriae Provinciam a die 26 Iulii 1904 usque ad Cap. Generale an. 1907 rexit, et postea per triennium Genuense S. Mariae Consolationis coenobium gubernavit. Concinnus fuit scriptor, perspectusque auctor. Simul cum studiis pietatem adamavit, amicitias coluit, recessus dilexit, reique gerendae tempus non amisit. Obiit Genuae die 24 februarii 1916.

Quae typis mandavit sunt:

1. I frutti della Croce. Lezioni teologali nella primaziale di Pisa. Roma, Tip. Poliglotta della S. Congreg. di Propaganda Fide, 1878, ed. 2 in 8°.

2. S. Agostino e Giambattista Vico, ossia della teorica scientifica della filosofia della storia e della sua applicazione. Pisa, Tip. Mariotti, 1887, in 8°, pp. 403.

3. L'Enciclica "Aeterni Patris". Sua necessità, suo senso e risposta alle obiezioni. Nuovo commento, Pisa, Tip. Mariotti, 1899.

4. Vita del B. Stefano Bellesini, Parroco Agostiniano, Roma, Tip. della S. Congr. di Propaganda Fide, 1904, in 4°, pp. 288.

5. Voti e speranze a proposito dei discorsi del tempo. Genova, Tip. della Gioventù, 1908. 

 

 

 

Referenze:

Analecta Augustiniana, Vol. VI, p. 314, et meas literas circulares sub die 27 Febr. 1910